Եվրամիությունը սպառնացել է արգելել Twitter-ը, եթե նոր սեփականատեր Իլոն Մասկը չհետեւի բովանդակության մոդերացիայի իր խիստ կանոններին, գրում է Financial Times-ը:
Եվրահանձնակատար Թիերի Բրեթոնը սպառնալիքներն արտահայտել է չորեքշաբթի օրը Մասկի հետ տեսազրույցի ժամանակ, հայտնում է FT-ը՝ հղում անելով աղբյուրներին։
Բրեթոնը Մասկին ասել է, որ նա պետք է հետեւի կանոնների վերահսկիչ ցուցակին, այդ թվում՝ հրաժարվի արգելափակված օգտատերերին վերականգնելու «կամայական» մոտեցումից եւ համաձայնի մինչեւ հաջորդ տարի հարթակի «լայնածավալ անկախ աուդիտի»:
Բրեթոնը նախկինում Մասկին հորդորել էր պահպանել ԵՄ-ի կարեւոր կանոնները՝ ուղղված համացանցում ատելության խոսքի եւ ապատեղեկատվության դեմ: Նմանատիպ մեկնաբանություններ է արել նաեւ Եվրահանձնաժողովի արդարադատության ղեկավար Դիդյե Ռեյնդերսը։