News
Լրահոս
News
Երեքշաբթի
Հունվար 31
USD
395.53
EUR
393.43
RUB
6.42
Տեսնել լրահոսը

Տավուշի մարզի առաջին ատյանի դատարանը՝ նախագահությամբ դատավոր Արամ Մարտիրոսյանի, նոյեմբերի 23-ին, Բերդ խոշորացված համայնքի ղեկավարի նախկին տեղակալ   Սամվել Հովսեփյանին եւ նույն համայնքի Ներքին Կարմիրաղբյուր բնակավայրի  վարչական ղեկավար Լեւոն Առաքելյանին 1 միլիոն դրամ գրավի դիմաց ազատ արձակելու մասին որոշում է կայացրել։ Այս մասին այսօր՝ դեկտեմբերի 1-ին, NEWS.am-ին հայտնեց Սամվել Հովսեփյանի պաշտպան Գոռ Սաղոյանը։

Ավելի վաղ դատարանը 800 հազար դրամ գրավի դիմաց ազատ արձակելու որոշում էր կայացրել նաեւ Բերդի համայնքապետարանի աշխատակազմի քարտուղար Հասմիկ Մելիքյանին։

Հիշեցնենք՝ Քննչական կոմիտեի հաղորդմամբ, Հասմիկ Մելիքյանը եւ Լեւոն Առաքելյանը 2022 թվականի սեպտեմբերի 25-ին Բերդ համայնքում կայանալիք ՏԻՄ ընտրություններին սատարելով «Զորավոր համայնք» դաշինքին, օգտագործելով իրենց տրված իշխանական լիազորությունները, Բերդ համայնքի ղեկավարի եւ «Ներքին Կարմիրաղբյուրի մանկապարտեզ» ՀՈԱԿ-ի տնօրենի ժամանակավոր պաշտոնակատարի միջեւ կնքված  աշխատանքային պայմանագիրը լուծելու եւ պայմանագրի ժամկետը դադարեցնելու սպառնալիքով, 2022 թվականի օգոստոսին վերջինիս հարկադրել են ընդգրկվել հիշյալ դաշինքում եւ նույն դաշինքի օգտին կատարել քարոզչություն՝ այդ կերպ հարկադրելով նրան հրաժարվել իր նախընտրած կուսակցության օգտին նախընտրկան քարոզչություն կատարելուց:

Նրանց նկատմամբ հարուցվել էր քրեական հետապնդում՝ ՀՀ ՔՕ 211-րդ հոդվածի 2-րդ մասի 3-րդ եւ 5-րդ կետերով, իսկ նույն համայնքի Ներքին Կարմիրաղբյուր բնակավայրի վարչական ղեկավարի նկատմամաբ՝  ՀՀ քրեական օրենսգրքի 46-211-րդ հոդվածի 2-րդ մասի 3-րդ եւ 5-րդ կետերով:

Սեպտեմբերի 29–ին էլ ձերբակալվել, ապա կալանավորվել էր Բերդ համայնքում ՏԻՄ ընտրություններում հաղթած «Զորավոր համայնք» դաշինքի ավագանու ցուցակի երկրորդ համարը՝ Սամվել  Հովսեփյանը, որը Բերդ համայնքի ղեկավարի ժամանակավոր պաշտոնակատարն է։ Սամվել Հովսեփյանը նույնպես մեղադրվում է Բերդ համայնքում կայանալիք տեղական ինքնակառավարման մարմինների ընտրություններին քարոզչություն կատարելուն հարկադրելու մեջ։

Հիշեցնենք, որ ՏԻՄ ընտրություններում հաղթել էր շուրջ 11 ամիս անազատության մեջ գտնվող համայնքապետ Հարություն Մանուչարյանի գլխավորած դաշինքը՝ «Զորավոր համայնքը»։ «Զորավոր համայնքը» ունի 11, իշխող ՔՊ–ն՝ 8, «Արժանապատիվ սերունդն» էլ՝ 2 մանդատ։ Ավագանու անդամների նկատմամբ քրեական հետապնդումները սկսվել էին ընտրություններից առաջ։ Կալանավորվելուց հետո՝ հոկտեմբերի 2–ին, Բերդ համայնքի ղեկավարի պաշտոնակատար Սամվել Հովսեփյանը հացադուլ էր հայտարարել, իսկ օրեր անց դադարեցրել  հացադուլը։ Օրեր անց էլ ընտրություններում 50 տոկոսից ավելի ձայն ստացած «Զորավոր համայնք» դաշինքի ընտրական ցուցակը գլխավորող Հարությունը Մանուչարյանը, ցուցակի երկրորդ հորիզոնականը զբաղեցնող Սամվել Հովսեփյանը եւ 10-րդ համար Սարգիս Մարգարյանը ինքնաբացարկի դիմում էին ներկայացրել։ Սա նշանակում է, որ Բերդում հաղթած ուժը համայնքապետի նոր թեկնածու կառաջադրի։ Համայնքապետի ընտրության օրակարգով ավագանու առաջին նիստը տեղի է ունենալու նոյեմբերի 10–ին։

Հոկտեմբերի 7–ին Հակակոռուպցիոն գործերով քրեական դատարանը Բերդ խոշորացված համայնքի ղեկավար Հարություն Մանուչարյանին գրավի դիմաց ազատ արձակելու որոշում էր կայացրել։

Տպել
Կարդացեք նաև
Ամբողջը
Գետնին ընկած կին, ոչ ադեկվատ տղամարդ․ հիվանդանոցի ճանապարհին բռունցքով հարվածել են պարեկին
Նա և կազմված փաստաթղթերը ներկայացվել են Արաբկիրի քննչական բաժին...
Վեճ ու ծեծկռտուք գիշերային ակումբում. ոստիկանները բերման են ենթարկել 4 բալահովիտցու եւ մեկ երեւանցի կնոջ
Հունվարի 29-ին, լուսադեմ ժամը 5-ին, ոստիկանություն զանգած տղամարդը հայտնել...
Դանակահարություն Փոքր Վեդիում. վեճը կարող էր խաղաղ ավարտ ունենալ, եթե այդտեղով չանցներ վարորդներից մեկի համագյուղացին
Մեքենաները տեղափոխվել են բաժնի պահպանվող հատուկ տարածք...
Հունաստանի ռազմաօդային ուժերի կործանիչն ընկել է Հոնիական ծովը
Նշվում է, որ կործանիչը ամերիկյան արտադրության F-4-ն է եղել...
Կրակոց Երևանում․ էլիտար շենքի պատուհանի վրա հայտնաբերվել է կրակոցի հետք, պատուհանագոգին՝ կրակված պարկուճ
Ոստիկանությունն ու քննչական բաժինը պարզում են տան սեփականատիրոջ ինքնությունը…
Դատախազությունը պահանջել է Տավուշի նախկին մարզպետից բռնագանձել 11 անշարժ գույք, չեխական ընկերության բաժնետոմսերի արժեքը
Ապօրինի ծագում ունեցող գույքի բռնագանձման վերաբերյալ ներկայացված քսանվեցերորդ հայցադիմումն ընդունվել է վարույթ...
Ամենաշատ
Ֆոտոռեպորտաժներ