News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը


Ես չհասկացա, թե ինչից էին դժգոհում Երեւանի Բրյուսովի անվան լեզուների եւ սոցիալական գիտությունների պետական համալսարանի ուսանողները եւ ինչ պատճառով։ Դեկտեմբերի 1-ին լրագրողների հետ հանդիպմանն այս մասին ասաց Կրթության, գիտության, մշակույթի եւ սպորտի նախարար Վահրամ Դումանյանը։

Նա տեղեկացրեց, որ բուհի շուրջ գործընթացները դեռ չեն ավարտվեл, կուլմինացիա չկա։ Դումանյանը պարզաբանեց, որ առաջնային է ակադեմիական քաղաք ստեղծելու գաղափարը, իսկ մնացած որոշումները պետք է դրան համահունչ լինեն։

Խոսքն, ըստ նրա, բուհերի խոշորացման մասին է, ստեղծվում են նոր բուհեր, դրանք ութն են լինելու։

Պատասխանելով ուսանողների դժգոհության մասին հարցին՝ նախարարն ասաց․  «Ե՞րբ են ուսանողները բողոքել։ Նրանց հարցրեք»։

Հիշեցնենք, որ հոկտեմբերին Երեւանի Բրյուսովի անվան լեզուների եւ սոցիալական գիտությունների պետական համալսարանի ուսանողները Կրթության, գիտության, մշակույթի եւ սպորտի նախարարության շենքի մոտ բողոքի ակցիա էին անցկացրել Կառավարության նախաձեռնության պատճառով, որի համաձայն բուհը Ֆիզիկական կուլտուրայի պետական ​​ինստիտուտի հետ միասին կմիավորվի Խ․ Աբովյանի անվան պետական ​​մանկավարժական համալսարանի հետ:

Մինչ այս Բրյուսովի անվան համալսարանի ռեկտորն ասել էր, որ այս որոշումը իրենցից գաղտնի է պահվել, իրենք փաստարկներ ունեն, դեմ են համալսարանի փակմանը։

!
Այս նյութը հասանելի է նաև   Русский
Տպել
Ամենաշատ