News
Լրահոս
News
Երեքշաբթի
Մարտ 19
Տեսնել լրահոսը

Հունաստանը, Բուլղարիան, Ռումինիան եւ Հունգարիան պայմանավորվել են արդիականացնել իրենց գազային ցանցերի միջհամակարգային եւ տրանսպորտային հզորությունները՝ գազի աղբյուրների դիվերսիֆիկացման եւ Եվրոպա էներգակիրների մատակարարումների շղթայում դրանց դերի բարձրացման նպատակով, տեղեկացրել է Reuters-ը։

2016թ. չորս երկրներ պայմանավորվել են զարգացնել ենթակառուցվածքը այսպես կոչված Ուղղահայաց գազային միջանցքի իրականացման համար, որը գազի երկկողմ հոսք կապահովի Հունաստանից Հյուսիսային Եվրոպա Բուլղարիայով, Ռումինիայով եւ Հունգարիայով։

Փոխըմբռնման հուշագրի համաձայն, որն ստորագրվել է հեղուկացված բնական գազի (ՀԲԳ) վերաբերյալ աթենքյան համաժողովի շրջանակում, հունական DESFA-ն, բուլղարական Bulgartransgaz-ը, հունգարական FGSZ-ը եւ ռումինական Transgaz-ը համաձայնել են բանակցություններ սկսել միջանցքի կարգավորիչ եւ տնտեսական կողմերի մասին։

Համաձայնագիրը նախատեսված է երեք տարվա համար, ավելացրել են ընկերությունում։

«Սա կարեւոր քայլ է Ուղղահայաց միջանցքի իրականացման գործում, նախագիծ, որը զգալի ավանդ կներդնի մատակարարումների անվտանգության ապահովման ուղղությամբ ավելի մեծ արածաշրջանում»,- ասել է DESFA-ի գործադիր տնօրեն Մարիա Ռիտա Գալին։ Նա ավելացրել է, որ միջանցքն էլ ավելի կամրապնդի Հունաստանի եւ ամբողջ տարածաշրջանի դերը էներգետիկայի ոլորտում։

ICGB-ն՝ Հունաստանի եւ Բուլղարիայի (IGB) միջեւ երկրորդ գազատարի՝ Ուղղահայաց միջանցքի կարեւոր մասի սեփականատերը, որն աշխատանքն սկսել է այս տարի, եւ Gastrade-ը՝ հունական հյուսիսային Ալեքսանդրուպոլիս նավահանգստի մոտ գազի պահեստավորման լողացող սարքավորման ստեղծողը, նույնպես ստորագրել են համաձայնագիրը։

IGB-ն ավելի կկարեւորվի, երբ նրա առավելագույն տարեկան հզորությունը հասնի 3 մլրդ խորանարդ մետրի։

Հունաստանն սկսել է գազ արտահանել Բուլղարիա, որի մատակարարումները Ռուսաստանից դադարեցվել են այս տարվա սկզբին, երբ Բուլղարիան հրաժարվել էր գազի դիմաց վճարել ռուբլով։

Վերջին իրադարձությունը համապատասխանում է Եվրոպայում հեղուկացված բնական գազի հիմնական տարանցիկ երթուղի դառնալու Հունաստանի պլաններին։

Այս տարի Աթենքը ավելի քան կրկնակի կրճատել է ռուսական գազի ներմուծումը, դրա փոխարեն ավելացրել ՀԲԳ-ի մատակարարումները, հիմնականում ԱՄՆ-ից եւ Եգիպտոսից, Ռեւիտուսի իր միակ ՀԲԳ գործարանում, որն այնքան էլ հեռու չէ Աթենքից։

!
Այս նյութը հասանելի է նաև   English and Русский
Տպել
Ամենաշատ