News
Լրահոս
News
Հինգշաբթի
Փետրվար 02
USD
395.53
EUR
393.43
RUB
6.42
Տեսնել լրահոսը

Նախագահ Ջո Բայդենը հինգշաբթի հիշատակել է Ռուսաստանի նախագահ Վլադիմիր Պուտինի հետ բանակցությունների հնարավորության մասին՝ Ուկրաինայի դեմ պատերազմը դադարեցնելու վերաբերյալ, եւ ավելացրել է, որ փետրվարի վերջին սկսված ներխուժումը կանգնեցնելու որեւէ պատրաստակամություն դեռ չի տեսել Պուտինի կողմից, տեղեկացրել է «Голос Америки»-ն։

«Ես պատրաստ եմ խոսել Պուտինի հետ, բայց միայն ՆԱՏՕ-ի գծով դաշնակիցների հետ խորհրդակցություններից հետո,- ասել է Բայդենը Սպիտակ տան մամուլի ասուլիսում՝ Ֆրանսիայի նախագահ Էմանուել Մակրոնի հետ մի քանի ժամ տեւած բանակցություններից հետո, որոնց ընթացքում զրուցակիցները քննարկել են իրավիճակն Ուկրաինայում եւ այլ հարցեր։- Ես առաջիկայում պարոն Պուտինի հետ շփվելու պլաններ չունեմ։ Ես չեմ պատրաստվում դա ինքնուրույն անել»։

«Կա այդ պատերազմին վերջ դնելու մի միջոց. դա այն է, որ Պուտինը հեռանա Ուկրաինայից։ Այն, ինչ նա անում է, զզվելի է։ Եթե նա պատերազմին վերջ դնելու միջոց է փնտրում, նա դա չի արել,- ասել է Բայդենը։- Իսկ առայժմ ես միանգամայն կարեւոր եմ համարում այն, ինչի մասին ասաց Էմանուել [Մակրոնը]. մենք պետք է աջակցենք ուկրաինացի ժողովրդին։ Միտքը, որ Պուտինը երբեւէ կհաղթի Ուկրաինային, անըմբռնելի է»։

Մակրոնը վստահություն է հայտնել, որ ԱՄՆ-ը կշարունակի Ուկրաինային լրացուցիչ ռազմական եւ հումանիտար օգնություն տրամադրել։

«Խոսքը մեր արժեքների մասին է,- ասել է Ֆրանսիայի նախագահը։- Շատ կարեւոր է, որպեսզի ԱՄՆ-ը աջակցի Ուկրաինային»։

Բայդենը հայտարարել է, որ ԱՄՆ-ը «երբեք չի խնդրի Ուկրաինային փոխզիջման գնալ»՝ պատերազմն առանց երկրի կառավարության համաձայնության դադարեցնելու համար։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Չեխիայի նոր նախագահը հայտարարել է, որ Ուկրաինայի ապագան պետք է լինի ՆԱՏՕ-ի եւ ԵՄ-ի շրջանակում
Պետր Պավելը Ուկրաինայի ապագան տեսնում է ՆԱՏՕ-ում եւ ԵՄ-ում...
Մոսկվան չի դիմել ՀԱՊԿ-ի երկրներին հատուկ գործողությանն օժանդակելու համար. Լավրով
Մոսկվան օժանդակության համար չի դիմել ՀԱՊԿ-ի գծով գործընկերներին...
Լավրովը հայտարարել է Արեւմուտքի կողմից Ուկրաինայում հակամարտության սրման մասին
Այդ էսկալացիան, դուք միանգամայն իրավացի եք, նման է ձնագնդի․․․
Բոլորը ցանկանում են Ուկրաինայի հետ հակամարտության ավարտ, բայց ժամանակավոր գործոնը գլխավորը չէ. Լավրով
Այստեղ կարեւոր է այն արդյունքների գործոնը, որոնք մենք ապահովում ենք մեր ժողովրդի համար․․․
Եվրահանձնաժողովի նախագահը հանձնակատարների խմբի հետ մեկնել է Կիեւ
Ուրսուլա ֆոն դեր Լյայենը Կիեւում է...
Իսպանիան մտադիր է 4-6  Leopard տանկ փոխանցել Ուկրաինային. El Pais
Նշվում է, որ վերջնական թիվը կախված կլինի 53 մարտական մեքենաների վիճակից, որոնք շուրջ 10 տարի պահվում են ․․․
Ամենաշատ
Ֆոտոռեպորտաժներ