News
Լրահոս
News
Հինգշաբթի
Փետրվար 02
USD
395.53
EUR
393.43
RUB
6.42
Տեսնել լրահոսը

Համաշխարհային առեւտրային կենտրոնների ասոցիացիայի (World Trade Center Association) անդամ WTC Yerevan-ն իր գործունեությունն սկսել է 2021թ.՝ Երևանը ներառելով 110 երկրների այն 330 քաղաքների ցանկում, որտեղ կառուցվել կամ կառուցվում են «Համաշխարհային առեւտրային կենտրոն» հեղինակավոր բրենդը կրող խորհրդանշական շենքեր։

Առեւտրի համաշխարհային կենտրոնները միջազգային էկոհամակարգի մաս են՝ ակումբ, որի էքսկլյուզիվ անդամներին միավորում են ոչ միայն ճարտարապետության լավագույն չափորոշիչները, այլեւ առեւտրի եւ ներդրումների զարգացմանը նպաստելու ընդհանուր առաքելությունը։

WTC Yerevan-ի ներկայացուցիչների խոսքով՝ մայրաքաղաքում նախատեսվում է կառուցել համալիր, որը կդառնա Երեւանի այցեքարտը։

Նախագծի մանրամասների շուրջ NEWS.am-ը զրուցել է WTC Yerevan-ի գործադիր տնօրեն Արտաշես Տոնոյանի հետ։

aa.jpg (101 KB)

Առաքելության մասին

«Ընդլայնել Հայաստանի մասնակցությունը համաշխարհային առևտրում և նպաստել մեր շուկա օտարերկրյա ներդրումների հոսքի ակտիվացմանը, խթանել հայկական ընկերությունների միջազգային բիզնես հարաբերությունները. սա է մեր հիմնական առաքելությունը»։

«WTC Association-ը համաշխարհային ցանց է, որի կուտակած փորձը եւ ընձեռած հնարավորությունները կօգնեն հայ գործարարներին՝ հայաստանյան շուկան ավելի գրավիչ դարձնելու, միջազգային գործընկերների հետ կապեր հաստատելու առումով, հայ արտահանողները հասանելիություն կստանան որոշ տեղերում, որոնք տրանզակցիոն առումով այսօր հասանելի չեն նրանց համար»։

Տոնոյանի խոսքով՝ WTC-ն ճանաչելի կդարձնի Երևանի բրենդը միջազգային շուկայում և ներդրողների շրջանում, կմեծացնի քաղաքի գրավչությունը, ենթակառուցվածքային մեծ նշանակություն կունենա։

Բացի այդ, WTC Association-ը բազմաբնույթ միջոցառումներ է իրականացնում, որոնց մասնակցելու հնարավորություն կունենան նաև հայ գործարարները։

bb.jpg (112 KB)

Համալիրի մասին

«Ակնկալում ենք  անշարժ գույքի կառուցումն ավարտել 4-6 տարվա ընթացքում, կարծում ենք՝ իրատեսական է, որ այդ առանձնահատուկ՝ Երևանին նոր շունչ ու տեմպ տվող կառույցն արդեն 2026-2027թթ կընդունի իր առաջին հյուրերին, վարձակալներին»։

Նախագիծը դեռևս գտնվում է սկզբնական՝ տարածքի, ճարտարապետների ընտրության և ներդրումների ներգրավման փուլում։

«Տարածքի առումով մենք դեռ որոնումների մեջ ենք․ մի քանի գրավիչ կետ ենք առաձնացրել թե՛ Երևանի կենտրոնում, թե՛ արվարձաններում։ Դրանով է նաև պայմանավորված բրիտանական Zaha Hadid Architects-ի նման ընկերություններին Հայաստան հրավիրելը․ նրանց հետ այցելում ենք այդ վայրերը, փորձում ենք նրանց կարծիքը ստանալ։ Որոնումներին զուգահեռ հրավիրում ենք ճարտարապետների, որպեսզի վերջնական ընտրություն կատարենք։ Միաժամանակ, բանակցում ենք ներդրողների հետ, քանի որ նախագիծը հետաքրքրություն է առաջացրել մի շարք ինստիտուցիոնալ ներդրողների մոտ։

Կառուցապատման համար նախատեսել ենք ձեռք բերել ընդհանուր 100 հազար քմ մակերեսով տարածք, որի ներսում պլանավորում ենք ունենալ 6-10 հազար քառակուսի մետրանոց էքսպո սրահ, հյուրանոցներ, ապարտհոթել, գրասենյակային տարածքներ, զվարճանքի կենտրոններ։

Այս ամենն առավելագույն արդյունավետությամբ կազմակերպելու համար շուկայական վերլուծություն ենք պատվիրել, խորհրդատվական ընկերությունների հետ ենք աշխատում։ Հաջորդ տարվա մարտին արդեն կունենանք արդյունքները, որոնց հիման վրա ավելի հստակ կկարողանանք ձեւակերպել առաջադրանքները ճարտարապետների համար։ Իսկ թե որ ճարտարապետական ընկերությանը կվստահենք այս մասշտաբային նախագիծը, այս պահին կարող եմ տալ մի քանի անուն՝ Zaha Hadid, Rafael Vinoly, Norman Foster։ Այս համաշխարհային անուններին շուտով կմիանան ևս մի քանիսը, ապա կկատարվի վերջնական ընտրություն»։

Տպել
Կարդացեք նաև
Ամբողջը
Հաստատվեց տեքստիլ արդյունաբերության զարգացման ծրագիրը. «սա կապահովի բարձրորակ աճ և զարգացում»
Նախագծի ֆինանսական շրջանակնեը ներկայացված են Հավելված 1-ում և 2-ում, որի հիման վրա կապահովվի ՀՀ էկոնոմիկայի նախարարության պետական միջնաժամկետ...
2022-ին վերադարձվել է 36,5 մլրդ դրամ եկամտային հարկի գումար. ՊԵԿ
Նշենք, որ 2015-2022 թթ. ընթացքում hիփոթեքային վարկի վճարված տոկոսների…
Կառավարությունը սուբվենցիոն ծրագրերով 7 մարզերի 17 համայնքների համար հատկացրեց 1,4 մլրդ դրամ
Գնել Սանոսյանն այս ծրագրերից առանձնացրեց Գյումրիին հատկացվող 447 մլն դրամը...
«Ժողովուրդ». Որևիցե բան չտվող ակտիվություն. ինչու է ավելացել Տնտեսական ակտիվության ցուցանիշը
«Ժողովուրդ» օրաթերթը տեղեկացավ նաեւ, որ ծառայությունների ծավալները առանց առեւտրի աճել են 28.2 տոկոսով...
ՀՀ անշարժ գույքի առուվաճառքի շուկայում օտարերկրացիներից առաջին տեղում ՌԴ քաղաքացիներն են, ապա եվրոպացիները
Նրանք վերջին 1 տարում Հայաստանում 1763 անշարժ գույք են գնել, 2968–ը` վաճառել...
Դոլարն ու եվրոն թանկացել են
ԱՄՆ դոլարի փոխարժեքն այսօր՝ փետրվարի 1-ին, կազմել է...
Ամենաշատ
Ֆոտոռեպորտաժներ