News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը


Քրեական ոստիկանության գլխավոր վարչության ֆինանսավարկային և մտավոր սեփականության ոլորտում կատարվող հանցագործությունների դեմ պայքարի բաժնում ստացված տեղեկությունների հիման վրա իրականացված ստուգողական գործողությունների արդյունքում փաստական տվյալներ են ձեռք բերվել մի խումբ պաշտոնատար անձանց կողմից, առանձնապես խոշոր չափերի գույքային վնաս պատճառելով զուգորդված, ծառայողական լիազորությունները չարաշահելու առերևույթ հանցանքների մասին։

Ոստիկանությունից NEWS.am-ին հայտնում են, որ մասնավորապես, տվյալներ են ձեռք բերվել, որ Երևանի քաղաքապետարանի աշխատակազմի ճարտարապետության և քաղաքաշինության վարչության պետը, ընդգրկված լինելով Երևանի քաղաքապետարանի պետական և համայնքային սեփականություն հանդիսացող հողամասերի հրապարակային սակարկությունների կազմակերպման և անցկացման հանձնաժողովի կազմում, իր ծառայողական լիազորություններով պայմանավորված աղդեցությունն օգտագործել է ի վնաս պետական շահերի՝ համայնքային սեփականություն հանդիսացող տարածքում բազմաբնակարան շենք կառուցելու նպատակով։ Նա, նախնական համաձայնություն ձեռք բերելով նույն հանձնաժողովի մյուս պաշտոնատար անձանց հետ, խախտել է հրապարակային սակարկությունների անցկացման կարգը։ 2013 թվականի սեպտեմբերի 16-ին փաստացի չկայացած, բովանդակությունն աղավաղված պաշտոնական շրջանառության ենթակա աճուրդի նիստի թիվ 1 արձանագրության հիմքով կազմակերպել է 250 քմ մակերեսով հողամասն ընդամենը 10 միլիոն 500 դրամով իր հետ փոխկապակցված անձին օտարելու, ինչպես նաև Երևանի քաղաքապետի 2013 թվականի սեպտեմբերի 19-ի համապատասխան որոշման հիման վրա անձի հետ հողամասի օտարման պայմանագիր կնքելու, ապա նույն օրը բնակելի և հասարակական կառուցապատման աշխատանքներ իրականացնելու ճարտարապետահատակագծային առաջադրանք, իսկ 2015 թվականի մայիսի 6-ին՝ բնակելի և հասարակական նշանակության կառուցապատում իրականացնելու համար 36 ամիս ժամկետով շինարարության թույլտվություն տրամադրելու ապօրինի գործընթացները։

Այնուհետև, խախտելով ՀՀ օրենսդրությամբ սահմանված պահանջները, ընդլայնման նպատակով 2016 թվականի մայիսի 11-ին կազմակերպել է նշված հողամասին կից համայնքային սեփականություն հանդիսացող 195 քմ մակերեսով հողամասն ընդամենը 4 միլիոն 943 հազար դրամով, ուղղակի վաճառքի եղանակով, նույն անձին օտարելու, իսկ 2018 թվականի մարտի 30-ին մինչև 5 հարկանի նկուղային կամ կիսանկուղային հարկով բնակելի և հասարակական նշանակության շինության կառուցման աշխատանքային նախագիծ։ 2018 թվականի ապրիլի 25-ին էլ կազմակերպել է 36 ամիս ժամկետով բնակելի և հասարակական նշանակության շինության շինթույլտվություն տրամադրելու ապօրինի գործընթացները, ապա վերոգրյալ հողամասերում արդեն իսկ կառուցված 1117 քմ մակերեսով անավարտ շինությունը 2018 թվականի մայիսի 5-ին ձևական նվիրատվության պայմանագրի հիման վրա գրանցել է կնոջ, որդիների և հարսների անուններով՝ այդ կերպ Երևան համայնքի օրինական շահերին պատճառելով առանձնապես խոշոր չափերի՝ 15 միլիոն 443 հազար դրամի վնաս։

Փաստի առթիվ հակակոռուպցիոն կոմիտեում նախաձեռնվել է քրեական վարույթ։

Հանգամանքները նախաքննությամբ պարզվում են։

Տպել
Կարդացեք նաև
Ամբողջը
Խորթ ծնողները էքզորցիզմ են իրականացրել երեխայի նկատմամբ, որը մահացել է կոշտ վերաբերմունքից
Այժմ նրանց մեղադրանք է առաջադրվել Սքայլերի սպանության մեջ․․․
Մի խումբ անձինք վիճաբանել և քաշքշել են հիվանդանոցի աշխատակիցներին
Հունվարի 26-ին՝ ժամը 17.40-ի սահմաններում, ոստիկանության օպերատիվ...
Իրանի նախագահը հանձնարարել է հետաքննել Ադրբեջանի դեսպանատան վրա հարձակումը
Ցավալի լուրը ստանալուց անմիջապես հետո նախագահը կարգադրել է համակողմանի հետաքննություն անցկացնել․․․
Ստեփանակերտցին բնակարանը վաճառել է պետությանը, բայց շարունակել է տեղահանված անձից վարձավճար ստանալ
2020թ. 44-օրյա պատերազմի հետևանքով տեղահանված քաղաքացի Ս.Հ.-ի հաղորդման հիման վրա իրականացված դատավարական ստուգման արդյունքներով...
«Սա ավելի շատ պանիկա էր, որովհետև 15 րոպեից այդ ծակծկոցն անցավ». Դպրոցի աշխատակիցը՝ թիվ 11 դպրոցում տեղի ունեցածի մասին
Մենք ենթադրում ենք, որ վախից դրդված է ասում, որ ինքը չի արել: Համենայնդեպս ուրիշի մոտ որեւէ բան չկար…
21-ամյա հարսը հրկիզել է խոտի դեզը, փորձել էր հրկիզել նաեւ հավանոցը
Հունվարի 25-ին ոստիկանության Տավուշի բաժնում Արծվաբերդ բնակավայրի...
Ամենաշատ