News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

«Ժողովուրդ» օրաթերթը գրում է. Սեփական թիմի ներսում սեւ ցուցակներ կազմող եւ թիմակիցների դեմ դավեր նյութող՝ ԱԺ պաշտպանության հարցերի հանձնաժողովի նախագահ Անդրանիկ Քոչարյանի հերթական «զոհը» ՀՀ ոստիկանապետ Վահե Ղազարյանն է:

«Ժողովուրդ» օրաթերթը տեղեկացավ, որ Քոչարյանին մտերիմ մի քանի ՔՊ-ական պատգամավորներ նախապատրաստվում են դեկտեմբերի 9-ին, երբ ՀՀ ոստիկանապետ Վահե Ղազարյանը պետք է ներկայանա խորհրդարան: Ինչպես հայտնի է, դեկտեմբերի 6-ին մեկնարկելու է ԱԺ հերթական նստաշրջանը, եւ, ըստ նախնական տեղեկությունների, դեկտեմբերի 9-ին պետք է քննարկվի Ներքին գործերի նախարարության ստեղծման հարցը: Այդ օրը Վահե Ղազարյանի համար այնքան էլ հանգիստ չի լինելու, քանի որ որոշ ՔՊ-ականներ որոշել են քննադատել նրա գործունեությունը:

Բանն այն է, որ ՔՊ-ում Անդրանիկ Քոչարյանի թեւն ամեն ինչ անում է, որպեսզի Վահե Ղազարյանը ներքին գործերի նախարար չդառնա, եւ, որպես նրա վատ աշխատանքի ցուցանիշ, քաղաքական իշխանություններին ցույց են տվել ոստիկանության որոշումներից մեկը, որը կապված է ԱԺ նախկին պատգամավոր Մհեր Սեդրակյանի անվան հետ: Ըստ այդմ, կարծիքներ են հնչել, թե իրենք նախկինների գործողությունների դեմ են պայքարում, իսկ ոստիկանապետը նրանց հետ գործարքի է գնում: Մամուլը գրել էր, որ Մհեր Սեդրակյանի անվան հետ կապվող «Բիդեք» ՍՊԸ-ն հաղթել է ոստիկանության կողմից հայտարարված մրցույթը, որի ընդհանուր արժեքը 1 մլրդ 275 միլիոն դրամ է՝ 3 մլն դոլարից ավելի։

Մամուլը նաեւ գրել էր, որ «Բիդեք» ՍՊԸ-ի 100 տոկոս բաժնեմասի նախկին սեփականատեր Գառնիկ Ավետիսյանը ԱԺ նախկին պատգամավոր Մհեր Սեդրակյանի՝ Թոխմախի Մհերի մտերիմ ընկերն է, անգամ գրվել էր նաեւ, որ իրականում ընկերությունը պատկանում է Մհեր Սեդրակյանին, բայց գրանցված է ընկերոջ անունով։ Բացի այդ, Քաղաքաշինության կոմիտեն ու Երեւանի քաղաքապետարանը 2022 թվականի ընթացքում մոտ 3,2 միլիարդ դրամի գնում են կատարել այդ ՍՊԸ-ից: Գնումների գործընթացը համակարգչային բաշխումով է կազմակերպվում, ու շատ հաճախ մարդկային գործոնը զերոյական է դառնում:

Ինչեւէ, «Ժողովուրդ» օրաթերթը կհետեւի ՔՊ-ականների արշավին Վահե Ղազարյանի դեմ, քանի որ ակնհայտորեն Անդրանիկ Քոչարյանը ՔՊ-ականների մի մասի ձեռքերով «պատերազմ է հայտարարել» ՀՀ ոստիկանապետին»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Փորձում եմ հարթակներ ստեղծել Հայաստանի գործող իշխանության հեռացման համար. Չալաբյան
«Ի՞նչ է անելու ԵՄ դիտորդական առաքելությունը Ադրբեջանի ագրեսիայի դեպքում...
Իշխանափոխության երեք տարբերակ կա. վերլուծաբանը նշեց Հայաստանի գլխավոր խնդիրը
Էլիտաները միշտ անհագ ու անգրագետ են եղել, այլապես Փաշինյանի իշխանության գալն անհնար կլիներ...
«Ժողովուրդ». Ով է առաջարկել Քրիստիննե Գրիգորյանի թեկնածությունն Արտաքին հետախուզական ծառայության պետի պաշտոնի համար
Եվ հենց այդ ամենը հաշվի առնելով ու փոխադարձ քննարկումների արդյունքում եւ համաձայնությամբ...
«Ժողովուրդ». Փաշինյանի թիմակիցները խաբել են. մաս 11
Վահե Ղազարյանի հնչեցրած թիվը մոտ 6 անգամ պակաս է ԱՊՊԱ համակարգում արձանագրված հատուցումների...
«Հրապարակ». ՄԻՊ թեկնածուով գրասենյակը խանդավառված չէ
Գրիգորյանն էլ այս մեկ տարվա ընթացքում ամբողջությամբ չէր կարողացել համալրել ՄԻՊ աշխատակազմը...
«Ժողովուրդ». Գեղամ Մանուկյանի նկատմամբ քրեական հետապնդում սկսելու վերաբերյալ գործը գլխավոր դատախազի սեղանին է
Տեղեկությունը փորձեցինք պարզել Գլխավոր դատախազությունից, որտեղից հայտնեցին...
Ամենաշատ