News
Լրահոս
News
Շաբաթ
Փետրվար 04
USD
395.53
EUR
393.43
RUB
6.42
Տեսնել լրահոսը

Հայաստանի պետական հետաքրքրությունների ֆոնդի (ԱՆԻՖ) նախաձեռնությամբ Հայաստանում ստեղծվել է ներդրումային քրաուդֆանդինգի առաջին հարթակը՝ ԱՌՖԻ-ն (ARFI - Armenia Financed), որը բացառիկ հնարավորություն է տալիս ամբողջ աշխարհից ներդրումներ կատարել Հայաստանում գործող փոքր ու միջին ձեռնարկություններում, նոր տեխնոլոգիական ստարտափ նախագծերում և դառնալ դրանց մի մասը։

ՀՀ Կենտրոնական բանկի խորհրդի նոյեմբերի 29-ի նիստի որոշմամբ գրանցվել և լիցենզավորվել է հարթակի օպերատոր ԱՌՖԻ ներդրումային ընկերությունը (լիցենզիայի համար՝ ՆԸ0023): Այսօրվանից մեկնարկել է ընկերությունների հետ համագործակցության և հայտերի ընդունման գործընթացը: Աշխատանքներ են տարվում նաև մի շարք աշխարհահռչակ հայերի հետ՝ ԱՌՖԻ հարթակի հաջողությանը տարբեր ձևաչափերով ներգրավելու ուղղությամբ։ Հարթակում ներդրումներ հնարավոր կլինի իրականացնել 2023 թվականի սկզբին։

ԱՌՖԻ հարթակի հիմնական նպատակներն են Հայաստանում ընկերությունների համար աճի ֆինանսավորման նոր հնարավորությունների ստեղծումը, երկրում այլընտրանքային ներդրումային գործիքակազմի ընդլայնումը, Հայաստանում բիզնես միջավայրի զարգացումն, ու Հայաստան-Սփյուռք կապերի ամրապնդումը։

Հարթակում ներկայացվելու են բազմաթիվ բիզնես նախագծեր, նրանց ստեղծման պատմությունները, զարգացումն ու ֆինանսական կանխատեսումները:

Ընկերությունները հարթակի միջոցով հնարավորություն կստանան տեղաբաշխել բաժնետոմսեր և պարտատոմսեր:

18 տարեկանից բարձր յուրաքանչյուր անձ աշխարհի ցանկացած կետից կկարողանա հարթակի միջոցով ներդրումներ կատարել այն նախագծերում, որոնց հաջողությանը հավատում է:

Սա եզակի մոտեցում է, որը պաշտպանում և հավելյալ եկամուտ ստանալու հնարավորություն է տալիս ներդրողներին՝ միաժամանակ օգնելով տեղական բիզնեսին զարգանալ:

«Մենք երկար էինք սպասել այս օրվան։ Ժամանակը ցույց կտա, բայց ես կարծում եմ այս օրը կհիշվի որպես Հայաստանի տնտեսական զարգացման և գործարար միջավայրի բարելավման օր։ Մենք վստահ ենք, որ ԱՌՖԻ-ն կլինի արդյունավետ գործիք՝ ամրապնդելու Սփյուռքի վստահությունը Հայաստանում թափանցիկ բիզնես գործունեություն ծավալելու հարցում»,- նշեց ԱՌՖԻ ներդրումային ընկերության խորհրդի նախագահ Սերգեյ Գրիգորյանը։

«Այս հարթակը եկել է համալրելու Հայաստանի ֆինանսական էկոհամակարգը, և ես վստահ եմ, որ դա իր մեծ ազդեցությունն է ունենալու Հայաստանի կապիտալ շուկայի զարգացման գործում»,- նշեց ԱՌՖԻ ներդրումային ընկերության տնօրեն Էդգար Էվոյանը։

ԱՌՖԻ-ի մասին առավել մանրամասն կարող եք կարդալ՝ www.arfi.am կայքում:

Տպել
Կարդացեք նաև
Ամբողջը
«Ժողովուրդ». Մսամթերքի արտադրության ոլորտում լուրջ անկում է, իսկ Վահան Քերոբյան դեռ գոհ է
«Ժողովուրդ» օրաթերթը տեղեկացավ, որ նախորդ տարվա 11 ամիսներին Հայաստանում մսի արտադրության...
ՄՊՀ-ն Համաշխարհային բանկի  հետ համագործակցությամբ ներդրել  է պետական օժանդակությունների վերահսկողության նոր մեխանիզմներ
 Երկրորդ փուլով հանձնաժողովն արդեն իսկ ձեռնամուխ է եղել պետական օժանդակության օրենսդրության կիրարկմանը, որի շրջանակում Համաշխարհային…
Ֆինանսների նախարարը Սեբաստիան Մոլինեուսի հետ քննարկել է ՀԲ կողմից տրամադրվելիք բյուջետային աջակցության գործընթացը
Այսօր՝ փետրվարի 3-ին, ֆինանսների նախարար Վահե Հովհաննիսյանն ընդունել է…
Դոլարի փոխարժեքն աճել է, եվրոն էժանացել է
ԱՄՆ դոլարի փոխարժեքն այսօր՝ փետրվարի 3-ին, կազմել է...
«Տնտեսական ցուցանիշերն աճողական են, բայց դրանց հետ մեկտեղ առկա են բազմաթիվ իրական խնդիրներ»․ Արսեն Ղազարյան
Նիստի օրակարգային հարցերից էր Առողջության  համապարփակ ապահովագրության  հայեցակարգի քննարկումը։ Նշվեց, որ թեև Միությունը, այլ…
Թռչնամսի ու կանթամթերքի շրջանառության ոլորտներում անբերախիղճ մրցակցություն կա. քննարկում ՄՊՀ-ում
Ակցիաների առնչությամբ անբարեխիղճ մրցակցության հարցերը…
Ամենաշատ