News
Լրահոս
News
Ուրբաթ
Փետրվար 03
USD
395.53
EUR
393.43
RUB
6.42
Տեսնել լրահոսը

Իրանական «Սահար» հեռուստաալիքը եւ իրանական ռադիոկայանները ներխուժում են Ադրբեջանի տեղեկատվական տարածք եւ խաթարող գործունեություն են ծավալում։ Այս մասին Միլի մեջլիսի նիստում հայտարարել է պատգամավոր Ջեյհուն Մամեդովը, գրում են ադրբեջանական լրատվամիջոցները։

«Ադրբեջանի շրջաններում ադրբեջանական ռադիոկայանները հաճախ ընդհատվում են իրանական ռադիոյով, որով կրոնական քարոզչություն է իրականացվում։ Համացանցում Իրանի տեղեկատվական պատերազմն ուղղված է Ադրբեջանում բնակվող ժողովուրդների միջեւ ազգամիջյան պառակտում եւ լարվածություն սերմանելուն։ Սոցիալական ցանցերում «թալիշ» մականուններով կեղծ հաշիվների միջոցով եւ այլն տարատեսակ ապատեղեկատվություն են տարածում Ադրբեջանին վարկաբեկելու նպատակով»,-բողոքել է Մամեդովը։ Նրա խոսքով՝ թեեւ նման իրավիճակը շարունակվում է մի քանի տարի, սակայն իրանական քարոզչության դեմ ոչ մի գործնական միջոց չի ձեռնարկվում:

Նա նշել է, որ «պետք է կազմակերպել ադրբեջանական հեռուստա- եւ ռադիոալիքների հեռարձակումը պարսկերեն եւ արաբերեն լեզուներով, որպեսզի տեղեկատվական պատերազմի ֆոնին արտասահմանյան լսարանին հասցվի Ադրբեջանի մասին ճշմարտությունը»։

 

!
Այս նյութը հասանելի է նաև   English and Русский
Տպել
Ամենաշատ