News
Լրահոս
News
Հինգշաբթի
Մարտ 28
Տեսնել լրահոսը


Հայաստանի եւ Ադրբեջանի միջեւ սահմանը ԼՂ խնդրի հետ առնչություն չունի, այդ սահմանը  գոյություն ունի եւ 1991-ից երբ երկու երկրներն անկախացել են, այդ սահմանը  Ալմա Աթայի հռչակագրով վերահաստատվել է: Այս մասին, այսօր՝ դեկտեմբերի 6-ին, ԵԱՀԿ ԽՎ–ում հայկական պատվիրակության անդամների՝ ԱԺ-ում կայացած մամուլի ասուլիսի ժամանակ հայտարարեց ՔՊ խմբակցության պատգամավոր Մարիա Կարապետյանը:

«Դիցուք երեւակայեք, Հայաստանը մեկ այլ տարածաշրջանում լիներ, ԼՂ ժողովուրդն այդ գործընթացն անցնելու էր, չէ՞: Հայաստան-Ադրբեջանի միջպետական սահմանը կապ չունի ԼՂ հիմնախնդրի հետ: Հայաստանը տարածքի վիճարկմամբ չէ, որ այս հակամարտության մեջ որեւէ դերակատարում է ունեցել  30 տարի շարունակ: Սա տարածքային վեճ չէ, հետեւաբար, Հայաստանի եւ Ադրբեջանի միջեւ սահմանը, դրա վերահաստատումը, հղումը  տարբեր փաստաթղթերի, որով այդ սահմանը վերահաստատվում է, առնչություն չունի ԼՂ խնդրի հետ: Հայաստանը չպետք է ներքաշվի տարածքային վեճի մեջ»,-ասաց նա:

Մարիա Կարապետյանի խոսքով, թե ղարաբաղյան առաջին պատերազմի ժամանակ, թե 2020-ի 44-օրյա պատերազմի ժամանակ Ադրբեջանը հարձակվել է Արցախի վրա, վերջինս էլ պաշտպանվել է. «Քանի որ Ադրբեջանի տեսակետը այն է, որ դա տարածքային վեճ է մեր երկու երկրների միջեւ, Ադրբեջանը հարձակվում է նաեւ Հայաստանի վրա, բայց դրանից հարցի նկատմամբ մեր վերաբերմունքը չի փոխվում: Մենք հարեւան երկրի տարածքի վիճարկմամբ չէ, որ այդ հակամարտության մասին դիրքորոշում ունենք»,-ընդգծեց նա:

Հարցին, թե եթե Հայաստանը ճանաչում է Ադրբեջանի տարածքային ամբողջականությունը, այդ դեպքում արցախահայությունը ո՞ր երկրի տարածքում է ապրում, եւ որ տարածքում պետք է ինքնորոշվեն, ՔՊ-ական պատգամավոր Էդվարդ Աղաջանյանը պատասխանեց. «Արցախցիները պետք է ինքնորոշվեն միջազգային իրավունքի դրույթների համաձայն՝ համապատասխան միջազգային իրավունքներից ու օրենքներից ելնելով: Դա իրենց իրավունքն է: Արցախի հարցի էությունը ժողովուրդների, ազգերի ինքնորոշման իրավունքի խնդիր է եղել, կա եւ շարունակում է մնալ: Մենք երբեք տարքծային վեճի մեջ չենք մտնելու»:

Նշվեց նաեւ, որ Հայաստանը ճանաչում է Ադրբեջանի տարածքային ամբողջականությունը, որը չի նշանակում Լեռնային Ղարաբաղի ժողովրդի ինքնորոշման հարցը չկա. Մեկը մյուսի հետ ուղղակի կապված չէ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի քաղհասարակության համատեղ զեկույցը ՄԱԿ-ի Խոշտանգումների դեմ կոմիտեին Ադրբեջանի 5-րդ դիտարկմանն ընդառաջ
Ժողովրդավարության զարգացման հիմնադրամը, «Իրավունքների պաշտպանություն առանց սահմանների» ՀԿ-ն, Թրանսփարենսի Ինթերնեշնլ հակակոռուպցիոն...
Անհայտ կորած եւ գերեվարված 11 զինծառայողների ընտանիքները եւս 2 ամիս կստանան 300-հազարական դրամ աջակցությունը
Կառավարությունն իր այսօրվա՝ մարտի 28-ի նիստում որոշում կայացրեց, որով…
Լեմկինի ինստիտուտը մտահոգություն է հայտնել, որ Ադրբեջանի վարչախումբը կարող է հաշվեհարդար տեսնել հայ գերիների հետ
Հաշվի առնելով այդ անձանց նկատմամբ մարդու իրավունքների լրջագույն խախտումների բարձր ռիսկայնությունը…
ՄԱԿ-ի հարկադիր և ակամա անհետացածների հարցերով աշխատանքային խմբին են ներկայացվել ութ հայ զինվորականների գործեր
Բոլոր գործերը ներկայացվել են տուժողների ընտանիքների հետ համագործակցաբար։ ՄԱԿ-ի մարդու իրավունքների խորհրդի կողմից ստեղծված հիշյալ աշխատանքային...
Ադրբեջանցիների կողմից հայերի գլխատումը նրանց ընտանիքի անդամներին հոգեկան տառապանք պատճառելու համատարած մեթոդ է. Զեկույց
Բացի այդ՝ զեկույցում անդրադարձ կա Ադրբեջանում բարձրաստիճան պաշտոնյաների կողմից հանցագործներին ուղղված գովասանքին...
Առանց Ռուսաստանի օգնության Ադրբեջանը չէր կարողանա վերադարձնել Ղարաբաղը. ադրբեջանցի քաղաքագետ
Նա մեկնաբանել է Ռուսաստանի դերը 44-օրյա պատերազմի ժամանակ...
Ամենաշատ