News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Հայաստանի ընդհանուր պարտքում արտաքին պարտքի կշիռը 2023թ. ընթացքում կնվազի։ Այս մասին Ազգային ժողովի նիստում, 2023թ. պետական բյուջեի նախագծի քննարկման ժամանակ, դեկտեմբերի 7-ին ասել է հանրապետության ֆինանսների նախարար Տիգրան Խաչատրյանը՝ պատասխանելով խորհրդարանականների հարցերին։

Մասնավորապես, նախատեսվում է, որ կառավարության պարտքը տարեվերջին դրամային համարժեքով կկազմի 4 տրլն 645 մլրդ դրամ կամ ՀՆԱ-ի 49,8 տոկոսը։ «Ընդ որում, եթե դոլարի փոխարժեքը մնա ավելի ցածր, ապա այդ ցուցանիշը եւս անկում կգրանցի։ 2023թ. պետբյուջեի նախագծում առաջարկվում է դեֆիցիտը սահմանել 289 մլրդ դրամի կամ ՀՆԱ-ի 3,1 տոկոսի չափով։ 7 տոկոսանոց տնտեսական աճի պահպանումը հաջորդ տարիներին թույլ կտա բյուջեի դեֆիցիտը սահմանել ՀՆԱ-ի 2,5-3 տոկոսի սահմաններում։ Մի կողմից՝ դա թույլ կտա ապահովել ծախսերի ֆինանսավորման համար բավականաչափ միջոցներ, մյուս կողմից՝ կնվազեցնի պարտքի մակարդակը ՀՆԱ-ի հանդեպ»,- ասել է Խաչատրյանը։

Կառավարության պարտքը դրամային համարժեքով 2023թ. վերջին կկազմի 4 տրլն 645 մլրդ դրամ կամ ՀՆԱ-ի 49,8 տոկոսը։ Այս ցուցանիշի հաշվարկումը հիմնված է մեկ դոլարը 436 դրամ փոխարժեքի վրա։ «Հետեւաբար, եթե  ավելի ցածր լինի իրական փոխարժեքը, այդ 49,8 տոկոսն ավելի ցածր կլինի։ Իսկ եթե փաստացի փոխարժեքը նշվածից 5 տոկոսով ավելի ցածր կամ բարձր լինի, ապա պետական պարտքը ՀՆԱ-ի հանդեպ կմնա 48-51 տոկոսի սահմաներում։ Ընդ որում, 2023թ. ընթացքում արտաքին պարտքի կշիռը կփոքրանա։ Այն կկազմի ընդհանուր պարտքի 57,6 տոկոսը։ Այս տարվա վերջին արտաքին պարտքի բաժինն ընդհանուր պարտքում կազմում է 60,2 տոկոս»,- նշել է նախարարը։

Նա ընդգծել է. 2018թ. արտաքին պարտքի կշիռը կառավարության պարտքում կազմում էր ավելի քան 78 տոկոս։ Հաջորդ տարվա համար նախատեսված 60 տոկոս ցուցանիշը Խաչատրյանը «զգալի ձեքբերում» է համարել։ «Դա պետական պարտքի կառավարման պետական քաղաքականության արդյունքն է»,- ամփոփել է կառավարության ներկայացուցիչը։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բացահայտվել  է մաքսային կանոնների խախտման նոր դեպք. Փորձ է արվել ՀՀ ներմուծել չհայտարարագրված բնական մուշտակներ. ՊԵԿ
Մաքսային զննման արդյունքում պարզվել է, որ քաղաքացու ուղեբեռներում առկա է...
ՀՀ-ում արտաքին ցնցումներն առաջացրել են ներքին պահանջարկի, հետևաբար նաև տնտեսական աճի տատանումներ. «Լույս»
Այդ պայմաններում, տնտեսական աճին առավելապես նպաստել են «ոչ արտահանելի» ճյուղերը, որոնց աճը սովորաբար կայուն չէ, իսկ «արտահանելի» ճյուղերի աճը եղել է…
«Ժողովուրդ». Անշարժ գույքի շուկան պասիվացել է. ռուսները վարձակալում են Երևանից դուրս
Մեր երկրում բնակարանների վարձավճարները կրկնակի բարձր են: Silver Rea անշարժ գույքի գործակալության...
Տեղի է ունեցել հարկային պոտենցիալի գնահատմանը վերաբերող խորհրդակցություն
Խորհրդակցության սկզբում վարչապետ Փաշինյանը նշել է. «Ինչպես նախորդ տարեվերջին ենք պայմանավորվել, այս տարի ժամանակ առ ժամանակ...
Կասեցվել է հացի արտադրամասի արտադրական գործունեությունը
ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչները ստուգում են իրականացրել անհատ ձեռնարկատեր Աննա Գրիգորյանին…
Wizz Air-ը թռիչքներ կիրականացնի մի քանի նոր ուղղություններով. Դորտմունդ, Սոֆիա, Կատովիցե, Պրահա
Սոֆիա-Երևան-Սոֆիա երթուղով չվերթերը կիրականացվեն յուրաքանչյուր չորեքշաբթի և կիրակի...
Ամենաշատ