Մոնղոլիայի նախագահ Ուխնաագիյն Խուրելսուխը դատախազությունից եւ կառավարությունից պահանջել է կատարել ցուցարարների հիմնական պահանջը եւ լուծել երկրի հիմնական արտահանման արտադրանքի՝ քարածխի զանգվածային յուրացման մասին գործի հետաքննության հարցը։
Համապատասխան հայտարարությամբ նա հանդես է եկել Ուլան Բատորում կառավարության անդամների, նախագահի վարչակազմի, գլխավոր դատախազության ղեկավարության եւ ուժային գերատեսչությունների հետ հանդիպմանը, հաղորդում է Eagle տեղեկատվական պորտալը։
Ինչպես նշել է նախագահը, բողոքի ակցիաները շարունակվում են արդեն չորս օր, սակայն կառավարությունն ու իրավապահ մարմինները դեռ կոնկրետ քայլեր չեն ձեռնարկել ցուցարարների պահանջները բավարարելու համար։
Նա խորհրդակցության մասնակիցներին կոչ է արել հնարավորինս արագ լուծել բողոքի ակցիաների հարցը։