Դեկտեմբերի 1-ին՝ ժամը 16:45-ին, ոստիկանության Նոր Նորքի բաժնում գողության վերաբերյալ հաղորդում էր տվել մայրաքաղաքում բնակվող 28-ամյա մի օտարերկրացի։

Ոստիկանությունից NEWS.am-ին հայտնում են, որ նա հայտնել էր, որ նոյեմբերի 27-28-ն ընկած ժամանակահատվածում գողացել են Ավանի Դանիել Վարուժան թաղամասի թիվ 10 շենքի բակում կայանված մոպեդները, որոնք պատկանում են «Յանդեքս իթս» ընկերությանը։

Ավանի քրեական հետախույզներն անցան բացահայտման միջոցառումներին։ Նրանք նախ պարզել են, որ մոպեդները գողացել են մայրաքաղաքում բնակվող 14, 18 և 19 տարեկան տղաներ։ 19-ամյա երիտասարդին Ավանի ոստիկանները դեկտեմբերի 3-ին հայտնաբերել ու ձերբակալել են։ Մյուսները իրավապահներին են ներկայացել բացատրական աշխատանքի արդյունքում։ Հետագա միջոցառումների արդյունքում գողոնը հայտնաբերվել է. մոպեդները մասնատվել էին։

Հանգամանքները նախաքննությամբ պարզվում են։