News
Լրահոս
News
Երեքշաբթի
Մարտ 19
Տեսնել լրահոսը

Բրիտանական դեսպանություն այսօր միանում է հայ ժողովրդին՝ հարգելու 1988 թվականի ավերիչ երկրաշարժի զոհերի հիշատակը։Այս մասին հայտնում են Դեսպանությունից։

«Երկրաշարժին հաջորդած ժամանակահատվածում Միացյալ Թագավորության կառավարությունը, գործարարներն ու ժողովուրդն իրենց աջակցությունը ցուցաբերեցին աղետի գոտուն: Գյումրիում կառուցվեց Բայրոնի անվան դպրոցը, որի բացման արարողությանը ներկա գտնվեց Միացյալ Թագավորության վարչապետ Մարգարեթ Թետչերը։ Ռոքի լեգենդ, բրիտանական «Դիփ Փարփլ» խմբի մեներգիչ Յան Գիլանը և նրա ընկերները հիմնեցին «Ռոքն օգնում է Հայաստանին» նախաձեռնությունը՝ աջակցելով երկրաշարժից տուժածներին:

Բրիտանական կառավարությունն այսօր շարունակում է աջակցություն ցուցաբերել Հայաստանին՝ օժանդակելով աղետների ռիսկի կառավարման կարողությունների զարգացմանը: «Վայոց ձորի, Գեղարքունիքի և Սյունիքի մարզերի սահմանամերձ համայնքների դիմակայունության ամրապնդում» ծրագրի բաղադրիչների մեկի շրջանակում մենք օգնել ենք Աղետների ռիսկի կառավարման պլաններ մշակել համայնքներում գործող մանկապարտեզների, առողջապահական և միջին մասնագիտական կրթական հաստատությունների համար»,- ասվում է հաղորդագրությունում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենաշատ