Ոստիկանության Արմավիրի բաժնի ՊՊԾ դասակի ոստիկանները դեկտեմբերի 7-ին, ժամը 16.30-ի սահմաններում, Արմավիր քաղաքի կենտրոնական շուկայի տարածքում նկատել են երկու կանանց, որոնք օգտվելով այն հանգամանքից, որ միրգ վաճառող տղամարդը զբաղված է միրգ կշռելով, վերարկուի գրպանից գողացել են դրամապանակն ու փորձել են հեռանալ, ինչը չի հաջողվել:
Ոստիկանությունից NEWS.am-ին հայտնում են, որ ոստիկանները ձերբակալել են նրանց և տեղափոխել Արմավիրի բաժին: Պարզվել է՝ Նոր Խարբերդ գյուղի բնակիչ են:
Գողոնը հայտնաբերվել է:
Կազմված փաստաթղթերն ուղարկվել են Արմավիրի մարզային քննչական վարչություն: