News
Լրահոս
News
Երեքշաբթի
Մարտ 19
Տեսնել լրահոսը


Դուք այդ հարցն ուղղե՞լ եք Հայաստանի իշխանություններին։  Ամենշաբաթյա ճեպազրույցում ՌԴ ԱԳՆ պաշտոնական ներկայացուցիչ Մարիա Զախարովան հարցին հարցով պատասխանեց՝ մեկնաբանելով հարցն այն մասին, թե ինչու  բանակցային գործընթացում անտեսվում ժողովուրդների ինքնորոշման իրավունքը, հաշվի չի առնվում Արցախի ժողովրդի՝ Ադրբեջանի կազմում բնակվելու ցանկություն չունենալը, թեեւ ինքնորոշման իրավունքը նշված է նաեւ Ալմա-Աթայի հռչակագրում եւ ՄԱԿ-ի Կանոնադրության մեջ։ Լրագրողը հիշեցրեց նաեւ, որ ՌԴ ԱԳ նախարար Սերգեյ Լավրովը մամուլի ասուլիսում հայտարարել էր, որ հայ-ադրբեջանական հարաբերությունների կարգավորման հիմք է դառնալու 1991թվականի Ալմա-Աթայի հռչակագիրը եւ ՄԱԿ-ի Կանոնադրությունը, դրանով Հայաստանը ճանաչել է, որ ԼՂԻՄ-ն այն ժամանակ եղել է Ադրբեջանի կազմում, եւ դա, իբրեւ թե, հեշտացնում է Ղարաբաղի կարգավիճակի վերաբերյալ հետագա աշխատանքը։ Լրագրողը նշեց, որ այնինչ Հայաստանի խորհրդարանը Ալմա-Աթայի հռչակագիրը վավերացրել է վերապահությամբ, որ դա չի վերաբերում Լեռնային Ղարաբաղին, իսկ Լեռնային Ղարաբաղն ինքը դուրս է եկել Ադրբեջանական ԽՍՀ կազմից՝ խորհրդային օրենսդրությանը համապատասխան եւ հռչակագրի ստորագրման ժամանակ Ադրբեջանի կազմում չէր։

«Սերգեյ Վիկտորովիչ Լավրովը մամուլի ասուլիսին շարադրեց բոլոր նյուանսները, բոլոր շեշտադրումները։ Ավելացնելու ոչինչ չկա։ Նույն ձեւակերպմամբ այս հարցը թող որեւէ մեկն ուղղի իշխանություններին, որպեսզի պարզ լինի պետության միասնական հանրային դիրքորոշումը։

Եվ այդ ժամանակ կկարողանանք հանրային բանավեճ վարել։ Մենք վերջին շրջանում տեսել ենք ինչ-որ բաների տարբեր մեկնաբանություններ, շատ տարբեր բացատրություններ։ Կցանկանայինք հասկանալ Երեւանի հիմնական պաշտոնական դիրքորոշումը»,- ասել է Զախարովան։

Հիշեցնենք, որ դեկտեմբերի 1-ին ասուլիսի ժամանակ Ռուսաստանի ԱԳՆ ղեկավար Սերգեյ Լավրովն ասել էր. «Իսկ հոկտեմբերի վերջին Սոչիի հանդիպման ժամանակ մենք ցանկանում էինք վերադառնալ այդ հարցին եւ հասկանալ, թե որքանով են մեր գործընկերները պատրաստ գործել ջենթլմենական այդ ըմբռնման հիմա վրա՝ լուծել բոլոր հարցերը, իսկ Ղարաբաղի կարգավիճակի հարցը թողնել «հետո»-ին, բայց երբ նախագահ Ալիեւը եւ վարչապետ Փաշինյանը եկան Սոչի, նրանք Պրահայից բերեցին այն փաստաթուղթը, որում ասվում էր, որ իրենք ցանկանում են ստորագրել խաղաղության պայմանագիր՝ ղեկավարվելով ՄԱԿ Կանոնադրությամբ եւ Ալմա-Աթայի հռչակագրով։ Իսկ Ալմա-Աթայի հռչակագիրը ԱՊՀ-ի ստեղծման մասին հստակ նշում է, որ նոր պետությունների միջեւ սահմանները հիմնվելու են նախկին ԽՍՀՄ միութենական հանրապետությունների սահմանների վրա, որտեղ Լեռնային Ղարաբաղի Ինքնավար Մարզը միանշանակ Ադրբեջանական ԽՍՀ-ի մասն է»։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ