News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Դեկտեմբերի 8-ին հրավիրվել է ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի նիստ, որին հրավիրված էր նաև պետական նախարար Ռուբեն Վարդանյանը:

Արցախի ԱԺ-ից NEWS.am-ին հայտնում են, որ քննարկվել  են «ԱՀ 2023 թվականի պետական բյուջեի մասին» և «Պետական պաշտոններ զբաղեցնող անձանց վարձատրության մասին» օրենքում լրացում կատարելու մասին հարցերը:

«Արցախի Հանրապետության 2023 թվականի պետական բյուջեի» նախագիծը ներկայացրել է ֆինանսների և էկոնոմիկայի նախարար Վահրամ Բաղդասարյանը: Նա նշել է, որ նախագիծը մշակվել է՝ հաշվի առնելով Արցախի Հանրապետության Նախագահի 2020-2025 թվականների ծրագրի նպատակադրումները և Արցախի Հանրապետության 2023-2025 թվականների պետական միջնաժամկետ ծախսերի ծրագրի դրույթները:

2023 թվականի պետական բյուջեի ցուցանիշները  հետևյալն են.

Պետական բյուջեի սեփական եկամուտները ծրագրվել են 49 մլրդ 850 մլն ՀՀ դրամի չափով, որը 2022 թվականի համար պլանավորված եկամուտների նկատմամբ ավել է 4 մլրդ 295.9 մլն ՀՀ դրամով կամ 9.4 տոկոսով: Այդ թվում հարկային եկամուտները և պետական տուրքերը կկազմեն 49.0 մլրդ դրամ կամ ընթացիկ տարվա համար պլանավորված եկամուտներից ավել 8.9 տոկոսով, որի արդյունքում կանխատեսումային «Հարկեր/ՀՆԱ» հարաբերակցությունը կկազմի 16.0 տոկոս:

2023թ. պետական բյուջեի ծախսերը նախատեսվում են 215 մլրդ 171.4 մլն ՀՀ դրամի չափով, որը նվազել է ընթացիկ տարվա պետական բյուջեով նախատեսված ծախսերից շուրջ 2.7 տոկոսով (2022թ. 221,035.2 մլն դրամի դիմաց): ՀՆԱ-ում ծախսերի մակարդակը կկազմի 69.1 տոկոս, ընթացիկ տարվա 77.5 տոկոսի դիմաց. արդյունքում դեֆիցիտը կկազմի 21 մլրդ  321.4 մլն ՀՀ դրամ, որը կֆինանսավորվի փոխառու միջոցների հաշվին:

2023 թվականի համար կանխատեսումային համախառն ներքին արդյունքի ծավալը կկազմի 311.5 մլրդ ՀՀ դրամ, աճը՝ մոտ 5.0 տոկոս, կանխատեսվող 4.0 տոկոս դեֆլյատորի դեպքում։

Բյուջետային վարկի չափը 2023 թվականին կկազմի 144.0 մլրդ ՀՀ դրամ:

Պատգամավորները իրենց ելույթներում շեշտել են, որ այս տարի բյուջետային քննարկումները ավելի պասիվ էին, որովհետև նախագիծը, նոր կառավարության ձևավորման հետ կապված, ենթակա է փոփոխության: Նրանք պետնախարարի ուշադրությունը բևեռել են այն հանգամանքի վրա, որ պատգամավորական առաջարկություններն ընդունվում են կառավարության կողմից, սակայն նվազ չափով են կյանքի կոչվում:

ԱԺ նախագահ Արթուր Թովմասյանը հորդորել է՝ նոր բյուջեն կազմելիս համագործակցել խորհրդարանի հետ՝ օգտագործելով ԱԺ փորձագիտական պոտենցիալը: Նա խոսել է հետպատերազմյան բյուջեի առանձնահատկությունների մասին՝ շեշտելով սոցիալական ուղղվածության  պահպանման անհրաժեշտությունը: «Եթե մենք չիրականացնեինք այդ սոցիալական ծրագրերը, ապա մեր հայրենակիցներից շատերը կբռնեին օտարության ճամփան»,- ասել է նա:

Պետական նախարար Ռուբեն Վարդանյանը պատասխանել է պատգամավորների հարցերին: Դրանք հիմնականում վերաբերում էին նոր  բյուջեին, կառավարության ձևավորմանը, իրականացվելիք ծրագրերին, գնաճին:

Պետական նախարարն ասել է, որ նոր կառավարությունը ձևավորվելու է հունվարի սկզբին, իսկ լրամշակված բյուջեի տարբերակը պատրաստ կլինի փետրվարին: Նա շեշտել է, որ նոր բյուջեն իրատեսական պետք է լինի՝ կառուցված զարգացման ծրագրերի վրա, իրականացվելիք բարեփոխումները լրացուցիչ  ծախսեր կպահանջեն, սպասվում է պետական համակարգի վերաձևավորում:

ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովը կողմ է քվեարկել ինչպես բյուջեի նախագծին, այնպես էլ «Պետական պաշտոններ զբաղեցնող անձանց վարձատրության մասին» օրենքում լրացում կատարելու մասին նախագծին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արցախի շրջափակումը պարտադրում է ավելի ռացիոնալ օգտագործել առկա ռեսուրսները. Անի Ազատյան
Արցախի առողջապահության նախարարությունը հայտնել է, որ Ադրբեջանի կողմից Արցախը Հայաստանի հետ կապող ճանապարհի արգելափակման հետևանքով…
«Արցախի գլխավոր դատախազը որևէ մեկի հետ կոալիցիա չի կազմել». Գուրգեն Ներսիսյան
Գլխավոր դատախազը ապաքաղաքական պաշտոնյա է, պետական բազկաթոռ ունենալու մոլուցքով չի տառապում և անհրաժեշտության դեպքում լինելու է…
Արցախում գյուղատնտեսության աջակցության ծրագրերը լրացուցիչ մոնիթորինգի կարիք ունեն. Ռաֆայելա Բաղդասարյան
Խնդիրների բացահայտում պետք է կատարվի, թե ինչու նախատեսված արդյունքներին չենք հասել...
«Սա մանիպուլացիա է». Ռուբեն Վարդանյանը՝ Նիկոլ Փաշինյանի հետ հարաբերությունների վատացման մասին
Արցախի նախագահը, միշտ լավ հարաբերությունների  մեջ է ՀՀ վարչապետի հետ...
Արցախը պետք է զարգացնի իր սեփական արտադրությունը. Իրա Խաչատրյան
Քանի որ, ճանապարհի փակ լինելու պատճառով դադարել է ապրանքաշրջանառությունը, այսինքն տնտեսվարող սուբյեկտները չեն կարողանում...
Դավիթ Բաբայանը նոր պաշտոն է ստացել
Այսօր կամ վաղը ուղիղ եթեր եմ գնալու Facebook սոցիալական ցանցում։ Կոնկրետ ժամը…
Ամենաշատ