News
Լրահոս
News
Հինգշաբթի
Մարտ 28
Տեսնել լրահոսը

Ռուսաստանը Հնդկաստանի նավթի խոշորագույն մատակարարը դառնալու ճանապարհին է, Մոսկվան ակտիվորեն ներխուժում է ասիական հսկայի էներգետիկ հատված, ինչը, հավանաբար, կթուլացնի G7-ի երկրների եւ նրանց արեւմտյան դաշնակիցների կողմից սահմանված գնային շեմի ազդեցությունը:

Հումքային ապրանքներին հետեւող Kpler ընկերության կողմից The Independent-ին տրամադրած տվյալների համաձայն՝ Հնդկաստան ռուսական հում նավթի ներմուծումը նոյեմբերին հասել է ողջ պատմության ընթացքում իր ամենաբարձր մակարդակին, քանի որ նավթավերամշակող գործարանները գնել են օրական ավելի քան 1,03 մլն բարել:

Նարենդրա Մոդիի կառավարությունը ուկրաինական պատերազմի սկզբից էժան գներով նավթ է գնել Ռուսաստանից, քանի որ արեւմտյան երկրները փորձում էին հրաժարվել էներգակիրների մատակարարման հարցում Մոսկվայից կախվածությունից:

Նախնական տվյալներով՝ Ռուսաստանից նավթի արտահանումն այս տարվա հունվար եւ փետրվար ամիսներին զրոյից բարձրացել է մինչեւ հոկտեմբերին 902 000 բարել օրական եւ նոյեմբերին հասել օրական 1 միլիոն բարելի ռեկորդային մակարդակի: «Դա, ամենայն հավանականությամբ, կհանգեցնի նրան, որ դեկտեմբերին Ռուսաստանը կդառնա Հնդկաստանի թիվ մեկ մատակարարը»,- The Independent-ին ասել է Kpler-ի առաջատար նավթային վերլուծաբան Մեթ Սմիթը, որն առաջին անգամ առաջ է անցել մերձավորարեւելյան ավանդական գործընկերներից՝ Սաուդյան Արաբիայից եւ Իրաքի ներկայիս առաջատար մատակարարից:

Սա նաեւ կապված է այն բանի հետ, որ մայիսին հայտարարված ռուսական ծովային հում նավթի նկատմամբ Եվրամիության մասնակի էմբարգոն ուժի մեջ է մտել երկուշաբթի օրը, այն նույն օրը, երբ G7-ը սահմանել է գների շեմը: ԵՄ արգելքը վերաբերում է եվրոպական երկրներ ռուսական նավթի ներմուծման ավելի քան երկու երրորդին:

Հնդկաստանը եւ Չինաստանը դարձել են ռուսական նավթ գնող երկու խոշոր զարգացող տնտեսությունները: Դելին բազմիցս պաշտպանել է իր ներմուծումները Ռուսաստանից՝ հայտարարելով, որ լավագույն գործարքը ստանալու պատասխանատվություն է կրում Հնդկաստանի քաղաքացիների առջեւ, եւ Արեւմուտքը «ճնշում չի գործադրի դրա վրա»:

Հնդկաստանի նավթի նախարարության լրացուցիչ գլխավոր տնօրեն Ռաջիվ Ջայնը The Independent-ին ասել է, որ Հնդկաստանի վարկանիշը Ռուսաստանի էներգետիկ առեւտրում «մեր հաշվարկների համար նշանակություն չունի», քանի որ Դելիի միակ շահը ամենաէժան նավթ գնելն է:

«Մենք կգնենք այնտեղ, որտեղ նավթն էժան է։ Մենք չենք անհանգստանում առաջին կամ երկրորդ համարը լինելու համար [քանի որ] շահագրգռված ենք գնել ամենաէժան նավթը»,- ասել է Ջեյնը:

Նա հավելել է, որ G7-ի գնային սահմանփակումը չի ազդի հնդկական ներմուծման վրա, քանի որ նավթավերամշակող գործարանները գնում են լավագույն պայմաններով եւ այն, ինչը լավագույնն է, հասանելի է նրանց: «Մենք չենք բանակցում երթուղու վերաբերյալ։ Նրանք գնում են ըստ իրենց պահանջների եւ բանակցում են լավագույն մատչելի գնով»,- ասել է նա՝ նկատի ունենալով առեւտրին մասնակցող կազմակերպություններին։

Վերլուծաբաններն ասում են, որ այժմ Հնդկաստանը պետք է առաջ անցնի ԵՄ-ից՝ դառնալով Ռուսաստանից նավթի խոշորագույն ներկրողը, ընդ որում՝ նրա գնումները հիմնական գործոնն են, որոնք անարդյունավետ են դարձնում արեւմտյան էմբարգոյի միջոցները:

«Հնդկաստանը առանցքային դեր կխաղա գնային սահմանի անարդյունավետության ապահովման գործում՝ մինչեւ Ուկրաինա ներխուժումը նա ռուսական նավթի հազվադեպ գնորդ է եղել, բայց այժմ ներմուծում է օրական մոտ մեկ միլիոն բարել, ինչը կազմում է Ռուսաստանի ծովային հում նավթի արտահանման մեկ երրորդը»,- ասել է Սմիթը։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ում մինչեւ 2025թ. մտադիր են առաջին անգամ ատոմային էլեկտրակայան վերագործարկել
ԱՄՆ դաշնային կառավարությունը մտադիր է վերագործարկել ատոմային էլեկտրակայան...
Չինաստանի, ԱՄԷ եւ Թուրքիայի բանկերում բարդացրել են վճարումները ռուսական նավթի համար. Reuters
Բանկերում պահանջները խստացվել են...
«Հայկական Ատոմային էլեկտրակայան» -ն ու «Ռուսատոմ սերվիս»-ը ստորագրեցին հովացման համակարգերին առնչվող պայմանագիր
Ամբողջ ծրագիրը շահագործման ժամկետի երկարացման առաջին փուլով  է ներդրված…
«Ռոսատոմ»-ը կարող է Հայաստանին 50-1000 ՄՎտ հզորությամբ միջուկային ռեակտորներ առաջարկել. Կիրիլ Կոմարով 
Նրա խոսքով, Հայաստանի իշխանություններն իրենք են որոշելու, թե որ բլոկն ընտրել...
Գազամատակարարման պլանային դադարեցում Վանաձորում, Ալավերդիում, Գեղարքունիքի մարզի որոշ բնակավայրերում
«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ…
Պորտուգալիայում կառուցվել է Եվրոպայի ամենամեծ արևային էլեկտրակայանը
Cerca-ն համալրված է ավելի քան 310 հազար երկդիմաց արևային մարտկոցներով...
Ամենաշատ