iTender.am. տենդերների մասին ամեն ինչ՝ մեկ հարթակում

Գաղտնիք չէ, որ տեղեկատվական տեխնոլոգիաները եւ համացանցը հեշտացնում են մարդկանց կյանքը, ընձեռում նոր հնարավորություններ, հասանելի դարձնում անհասանելի թվացող երևույթներ։ Տենդերները կարելի է հեշտությամբ դասել նման երևույթների շարքին, որոնց մասնակցել, թվում է, թե կարող են միայն «ընտրյալները»՝ խոշոր ընկերությունները, իսկ կազմակերպել՝ միայն պետական մարմինները։ iTender.am հարթակի նպատակն է կոտրել այդ կարծրատիպը և նորագույն տեխնոլոգիաների օգնությամբ հեշտացնել տենդերների կազմակերպման ու դրանց մասնակցության գործընթացը։

Ի՞նչ է տենդերը

Տենդերը գնումներ կատարելու մրցակցային գործընթաց է, որը նախաձեռնում է գնորդը. նա կազմակերպում է մրցույթ, որպեսզի ձեռք բերի շուկայականից ցածր գներով կամ շուկայում առկա լավագույն առաջարկով ապրանքներ, աշխատանքներ կամ ծառայություններ:

Տենդերները հաղթում են այն մասնակիցները, որոնք տվյալ տենդերին/մրցույթին առաջարկել են ամենացածր գինը կամ ներկայացրել են գնորդի պահանջներին բավարարող լավագույն առաջարկը:

Սովորաբար տենդերային սկզբունքով են կազմակերպվում նաև պետական գնումները։

Ի՞նչ են շահում տենդերի մասնակից կողմերը

Տենդերի անցկացման միջոցով այն կազմակերպող կողմը հնարավորություն է ստանում շուկայականից ցածր գնով գնում կատարել կամ ապահովել առավել շահավետ գին-որակ հարաբերակցություն։

Իսկ կապալառու կամ մատակարար ընկերության համար հաղթանակը տենդերներում ապահովում է պատվերների մշտական հոսք, խոշոր եկամուտներ՝ առանց առաջխաղացման և մարքեթինգային ծախսերի։ Ավելին, տենդերներին մասնակցությունը ինքնին անվճար գովազդ է ընկերության համար։

Ի՞նչ հնարավորություններ է ընձեռում iTender.am-ը

iTender.am-ը տենդերների միջոցով գնումներ և վաճառքներ իրականացնելու հարթակ է, որը միավորում է Հայաստանում և Արցախում կազմակերպվող բոլոր մասնավոր և պետական տենդերները և հնարավորություն է տալիս գնումներ կատարել շուկայականից ցածր գներով՝ խնայելով ֆինանսական և ժամանակային ռեսուրսներ։

Հարթակում այսօրվա դրությամբ գրանցված է ավելի քան 3400 մասնավոր ընկերություն։

Ինչպես NEWS.am-ի հետ զրույցում պատմեց iTender.am-ի հիմնադիր տնօրեն Էդվարդ Գրիգորյանը, iTender.am-ում կարող եք գտնել հայկական շուկայում տենդերային մրցույթների կազմակերպման և դրանց մասնակցության համար լավագույն պայմանները՝ սկսած կազմակերպչական աշխատանքների և փաստաթղթերի պատրաստման առցանց ընթացակարգից, մինչև վիճակագրական տվյալներ ու արտոնյալ պայմաններով բանկային երաշխիքների ստացում։

Հարթակի միջոցով մասնավոր ընկերությունները կարող են՝

Կազմակերպել տենդերներ՝ խնայելով ժամանակ և այլ ռեսուրսներ,
Կատարել շուկայի ուսումնասիրություն և գտնել լավագույն առաջարկը,
Ծանոթանալ առկա տենդերներին և դրանց համար ներկայացվող պահանջներին,
Անմիջապես հարթակում հաշված րոպեների ընթացքում պատրաստել մասնակցության համար անհրաժեշտ փաստաթղթերի ամբողջական ցանկը՝ անգամ սմարթֆոնի միջոցով,
Պահպանել և կառավարել հաղթած տենդերների վերաբերյալ փաստաթղթերը,
Պատրաստել ընդունման-հանձնման արձանագրություններ,
Ստանալ վիճակագրական և վերլուծական տվյալներ հաղթած տենդերների ծավալների և ներկայացված գնային առաջարկների վերաբերյալ, որոնք կօգնեն դուրս բերել ամենահավանական հաղթող գները,
Հավելյալ արտոնություններով և զեղչերով մասնակցել գործընկեր կազմակերպությունների կողմից անցկացվող տենդերների դասընթացների և վերապատարաստումների,
«ՎՏԲ-Հայաստան Բանկ»-ի հետ համագործակցության արդյունքում արտոնյալ պայմաններով ստանալ բանկային երաշխիքներ,
Համակարգում առկա է նաև պետական գնումների գործընթացների և բողոքների վերլուծության բաժին, որը հնարավորություն է տալիս մշտապես տեղեկացված լինել ներկայացված բողոքների և դրանց վերաբերյալ կայացված դատավճիռների մասին,
Էլեկտրոնային փոստով կամ Telegram հավելվածի միջոցով տեղեկանալ Հայաստանի Հանրապետությունում և Արցախի Հանրապետությունում տեղի ունեցող պետական և մասնավոր տենդերների մասին. սա հարթակի վերջին կարևոր նորություններից մեկն է,
Եվ վերջապես, այս ամենի շնորհիվ՝ լինել ավելի տեղեկացված, հետևաբար՝ ավելի մրցունակ։

Համակարգից օգտվելու համար անհրաժեշտ է որպես մասնավոր ընկերություն գրանցվել համակարգում։

Մանրամասները՝ տեսանյութում։

Հարթակի միջոցով պետական պատվիրատուները կարող են՝

Գնումների պլաններ պատրաստել, խմբագրել և կառավարել դրանք,
Կազմակերպել մեկ անձից գնումներ կամ անմիջապես պատրաստել գնումների մասին ՀՀ օրենսդրությամբ սահմանված բոլոր փաստաթղթերը,
Մրցակցային գնման գործընթացների դեպքում, մի քանի րոպեի ընթացքում պատրաստել բոլոր անհրաժեշտ փաստաթղթերը՝ արձանագրությունները, հրավերները, հայտարարությունները հայերեն և ռուսերեն լեզուներով,
Օգտվել գնումների բողոքների վերլուծությունից և տեխնիկական բնութագրերի շտեմարանից, որտեղ հավաքագրվում են լավագույն տեխնիկական բնութագրերը և նախահաշվային գները,
Բոլոր գործընթացներն իրականացվում են գնումների մասին ՀՀ օրենսդրության տրամաբանությունից ելնելով, իսկ փաստաթղթերը պատրաստվում են հաստատված օրինակելի ձևերով՝ զերծ պահելով օգտատերերին օրենսդրական խախտումներից։