«Հրապարակ» թերթը գրում է. «Երեկ՝ առավոտյան, քաղաքապետարանն ապամոնտաժեց Ազգային պատկերասրահին կից գտնվող կրպակը, որտեղ սուրճ, խմորեղեն, պաղպաղակ, հյութեր էին վաճառում։ Ապամոնտաժումն անսպասելի էր արվել, աշխատանքների կեսից եկան կրպակի սեփականատեր Կորյուն Հակոբյանն ու նրա ներկայացուցիչ փաստաբանը։
Սեփականատերը վրդովված էր, վեճ սկսվեց ոստիկանների ու սեփականատիրոջ եւ փաստաբանի միջեւ: Երբ վեճը սաստկացավ, ոստիկանների հրամանատարը հրաման տվեց. «Դավայ, գնաց բերմանը», ու բերման ենթարկվեց կրպակի սեփականատերը։
Նրա ներկայացուցիչ Ռաֆիկ Վարդազարյանը մեզ ասաց, որ կրպակի ապամոնտաժումն ապօրինի է եւ ոչ իրավաչափ, քանի որ դատարանը հայցի ապահովման միջոց է կիրառել` արգելելով ցանկացած գործողություն, ինչը նշանակում է, որ կրպակը չպիտի ապամոնտաժվեր»:
Առավել մանրամասն՝ թերթի այսօրվա համարում
