News
Լրահոս
News
Չորեքշաբթի
Փետրվար 01
USD
395.53
EUR
393.43
RUB
6.42
Տեսնել լրահոսը

Ռուսական գազի մատակարարումների կրճատման հետ կապված՝ Եվրոպան եկող տարի հեղուկացված բնական գազի (ՀԲԳ) «մեծ ծավալների» կարիք կունենա, ասել են Trafigura հումքային ընկերությունում եւ ավելացրել, որ սպասում են անկայունության պահպանման բնական եւ հեղուկացված գազի շուկաներում, գրել է Oilprice.com-ը։

«Մենք ապագայում սպասում ենք, որ գազի եւ հեղուկացված բնական գազի շուկաները անկայուն կմնան»,- նշվել է Trafigura-ի տարեկան հաշվետվությունում, որտեղ աշխարհում հումքային ապրանքների ամենամեծ անկախ թրեյդերներից մեկը տեղեկացրել է ռեկորդային բարձր զուտ շահույթի մասին՝ 7 մլրդ դոլար։

«Չնայած Եվրոպային կհաջողվի խուսափել այս ձմռանն էլեկտրաէներգիայի անջատումներից՝ օգտագործելով պաշարները եւ կրճատելով պահանջարկը, նա ստիպված կլինի 2023թ. հսկայական ծավալով ՀԲԳ ներմուծել՝ նկատի ունենալով Ռուսաստանից մատակարարումների կտրուկ կրճատումը»,- նշվել է Trafigura-ի հաշվետվությունում։

Բնական գազի գները Եվրոպայում, նշվել է հաշվետվությունում, պետք է մնան բարձր, որպեսզի Եվրոպան կարողանա շարունակել ներգրավել ՀԲԳ-ի բեռների մեծ մասը՝ մրցակցելով պահանջարկի այլ կարեւոր կենտրոնների հետ։ Հումքային ապրանքներ վաճառող ընկերությունն սպասում է, որ Եվրոպան կշարունակի առաջնային ուշադրություն հատկացնել մատակարարումների անվտանգությանը «հաջորդ ձմռանը եւ այդուհետ»։

Այս տարի Միացյալ Նահանգները ռեկորդային ծավալի ՀԲԳ է առաքել Եվրոպա։ Reuters-ի գնահատականներով՝ նոյեմբերին Եվրոպա է ուղարկվել ԱՄՆ-ից ՀԲԳ-ի բոլոր բեռների 72 տոկոսը։

Սակայն ռուսական գազի մատակարարման էական կրճատում այս տարի տեղի է ունեցել միայն հունիսին, իսկ դա նշանակում է, որ այս տարվա սկզբին Եվրոպան դեռ կարող էր պահեստավորել որոշակի քանակությամբ ռուսական գազ։

2023/2024թթ. ձմռան շեմին Եվրոպան շատ ռուսական գազ չի ներմուծի կամ առհասարակ չի ներմուծի, եթե Ռուսաստանը դադարեցնի մատակարարումները միակը մնացած գործող երթուղով՝ Ուկրաինայով եւ «Թուրքական հոսքով»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Էլեկտրաէներգիայի արժեքի բարձրացում. ՌԴ-ից փորձագետը գնահատեց Հայաստանում բարեփոխումների հետեւանքները
Եթե որեւէ մեկը կասկածում է, կարող է տեսնել, թե ինչ է կատարվում…
Նավթի գները չափավոր իջնում են
Նավթի համաշխարհային գները երեքշաբթի առավոտյան չափավոր իջնում են...
Քաղաքապետարանի մասնաշենքերի տանիքներին ավարտվել են արևային կայանների տեղադրման աշխատանքները
Ծրագիրը հնարավորություն կտա շուրջ 30 տոկոսով նվազեցնել էներգածախսը…
Նավթն էժանանում է
Երկուշաբթի առավոտյան նավթը որոշ չափով էժանանում է...
Ֆրանսիան եւ Իրաքը էներգետիկայի ոլորտում մի շարք համաձայնագրեր են ստորագրել
Մակրոնը եւ Շայա ալ-Սուդանին մի շարք համաձայնագրեր են ստորագրել...
Հունգարիան վետո կդնի Ռուսաստանի միջուկային էներգետիկայի դեմ ԵՄ-ի ցանկացած պատժամիջոցների վրա. Օրբան
Ուկրաինան ԵՄ-ին կոչ է արել պատժամիջոցներ սահմանել Ռուսաստանի միջուկային էներգետիկայի...
Ամենաշատ