Իսրայելում հնագետները «կախարդական գրությամբ» կապարե փամփուշտ են հայտնաբերել:
Իսրայելի հնավայրերի պահպանության վարչության տարածած մամլո հաղորդագրության համաձայն՝ Յավնե քաղաքի ընդլայնմանն ուղղված պեղումների ժամանակ հնագետները հայտնաբերել են դեղնադարչնագույն կապարե նշաձեւ կտոր։ Նրանք կարծում են, որ գտածոն 2200 տարվա վաղեմության պարսատիկի փամփուշտ է։
Կապարե փամփուշտի վրա հունարեն տառերով գրված է «Հերկուլեսի և Հաուրոնասի հաղթանակը», նշել է Նեգևի Բեն-Գուրիոն համալսարանի պրոֆեսոր Յուլիա Ուստինովան, ով վերծանել է մակագրությունը: Նա բացատրել է, որ Հերկուլեսն ու Հաուրոնասը Յավնեի հովանավոր աստվածներն են եղել, երբ այն գտնվել է հունական վերահսկողության տակ:
«Փամփուշտների վրայի մակագրությունները հոգեբանական պատերազմի մի մասն էին: Գրությունները միավորման ուղերձ են եղել մարտիկներին՝ բարձրացնելու իրենց տրամադրությունը, կամ կոչ, որը նախատեսված է կախարդական ուժով լիցքավորելու համար… Հերկուլեսի եւ Խաուրոնի ապագա հաղթանակի մասին հայտարարությունը աստվածությանը ուղղված կոչ չէ, սակայն սպառնալիք է՝ ուղղված հակառակորդների դեմ», - ասել է Ուստինովան:
