News
Լրահոս
News
Երեքշաբթի
Մարտ 19
Տեսնել լրահոսը


Վերազգային կարգավորման գերակա ոլորտների թվային փոխակերպումը տեղեկատվական անվտանգության պատշաճ մակարդակով վստահության հիմք կստեղծի ԵԱՏՄ անդամ պետությունների միջեւ։ Այս մասին դեկտեմբերի 9-ին Բիշքեկում կայացած Եվրասիական տնտեսական բարձրագույն խորհրդի նիստում հայտարարել է ՀՀ վարչապետ Նիկոլ Փաշինյանը։

Նա վստահություն է հայտնել, որ Միության երկրները կկարողանան անհրաժեշտ պայմաններ ձեւավորել ապրանքների, ծառայությունների, կապիտալի եւ աշխատուժի ազատ տեղաշարժն ապահովող ամուր ենթակառուցվածքի ստեղծման համար։

Փաշինյանը հավելել է, որ այս համատեքստում Հայաստանը մեծ պահանջվածություն է տեսնում Միության ներքին շուկայի զարգացման ուղղությամբ աշխատանքում նոր գերակայություններ նշող համակարգային փաստաթղթի մշակման հարցում:

Նա ենթադրել է, որ նման փաստաթուղթը թույլ կտա բացահայտել ներքին շուկայի ողջ ներուժը՝ այն ավելի ամուր դարձնելով։ «Ընթացիկ տարվա արդյունքներով ԵՏՀ-ն ԵԱՏՄ անդամ պետությունների կառավարությունների հետ համատեղ ցուցադրել է Միության ներքին շուկայի հավասարակշռման ուղղությամբ աշխատանքի բարձր մակարդակ՝ ապահովելով ազգային եւ վերազգային շահերի պատշաճ համադրումն այս բարդ ժամանակաշրջանում»,-ասել է նա։

Փաշինյանը կարեւոր ուղղություն է համարել երրորդ երկրների եւ միավորումների հետ առեւտրատնտեսական հարաբերությունների զարգացման ուղղությամբ համագործակցությունը։ «Չինաստանի հետ առեւտրատնտեսական համաձայնագրի իրականացումը, Իրանի, Սինգապուրի, Սերբիայի հետ ազատ առեւտրի մասին համաձայնագիրը, ինչպես նաեւ Եգիպտոսի, ԱՄԷ-ի, Իսրայելի, Հնդկաստանի եւ Ինդոնեզիայի հետ ազատ առեւտրի մասին համաձայնագրի համաձայնեցման շուրջ ընթացիկ բանակցությունները լրացուցիչ խթան կհաղորդեն համաշխարհային տնտեսությանը միության ինտեգրման գործընթացին։ Դա կհանգեցնի ԵԱՏՄ ապրանքների արտահանման ծավալների ավելացմանը, արտաքին շուկաների դիվերսիֆիկացմանը, ներդրումների ներգրավմանը եւ երրորդ երկրների հետ միջազգային տնտեսական գործընկերության համար բարենպաստ միջավայրի ստեղծմանը»,-եզրափակել է Փաշինյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կառավարությունը հավանություն տվեց ԵԱՏՄ-ի եւ երրորդ կողմերի մաքսային տարանցման միասնական համակարգի մասին համաձայնագրին
Համաձայնագրի նախագիծը սահմանում է Միության և երրորդ կողմի (երրորդ կողմերի) միասնական մաքսային տարանցման համակարգի գործունեության հիմնական...
ԵԱՏՄ-ում կփոխվեն անասնաբուժական դեղերի շրջանառության կանոնները
ԵԱՏՄ կփոխվի կանոններն անասնաբուժական դեղերի շրջանառության հարցում...
ԵԱՏՄ գազի ընդհանուր շուկայի ձեւավորման մասով երկրների միջեւ կան մի շարք հարցեր. փոխնախարար
ԵԱՏՄ անդամ երկրների միջեւ կան մի շարք հարցեր...
ՌԴ-ից մեծ կախվածություն ունենք՝ ԵԱՏՄ-ն լքելը ռիսկային է. Ֆինանսների նախարար
«Ամեն դեպքում կախվածությունը մեկ կետից, որն էլ լինի այդ կետը, պետք է դիվերսիֆիկացնել»․․․
Պեսկովը հայտնել է, որ Հայաստանը շահում է ԵԱՏՄ-ին անդամակցությունից
Դա մասամբ տեղի է ունենում մեր երկրի հետ շատ սերտ փոխշահավետ համագործակցության եւ ԵԱՏՄ-ին Հայաստանի անդամակցության պատճառով, դա միանշանակ է...
ՊԵԿ պատվիրակությունը մասնակցել է ԵԱՏՄ պետությունների մաքսային ծառայությունների միավորված կոլեգիայի 45-րդ նիստին
Որոշում է կայացվել Եվրասիական տնտեսական միության անդամ պետությունների...
Ամենաշատ