ՇՀԿ եւ ԱՊՀ երկրների պաշտպանության նախարարները համատեղ կոմյունիկե են ստորագրել Մոսկվայում Ռուսաստանի պաշտպանության նախարար, բանակի գեներալ Սերգեյ Շոյգուի նախագահությամբ կայացած հանդիպման արդյունքներով, հաղորդում է «ՌԻԱ Նովոստին»։
«Նիստի արդյունքներով ընդունվել է համատեղ կոմյունիկե, որն արտացոլում է անվտանգության ոլորտում ընդհանուր խնդիրների լուծման համախմբված մոտեցումները»,-ասել է Շոյգուն: Նա հստակեցրել է, որ հանդիպման մասնակիցները մտքեր են փոխանակել միջազգային անվտանգության եւ տարածաշրջանային կայունության պահպանման, ինչպես նաեւ ռազմական ոլորտում հետագա համագործակցության հարցերի շուրջ:
Նիստի ընթացքում ՇՀԿ եւ ԱՊՀ երկրների ռազմական պատվիրակությունների առջեւ տեսակապի միջոցով ելույթ է ունեցել նաեւ Չինաստանի պաշտպանության նախարար, գեներալ-գնդապետ Վեյ Ֆենհեն, որը մասնակիցներին է հայտնել իր կարծիքը միջազգային եւ տարածաշրջանային անվտանգության արդիական իրավիճակի վերաբերյալ: