Ազգային ժողովի նախագահի տեղակալ Ռուբեն Ռուբինյանն այսօր՝ դեկտեմբերի 9-ին, ընդունել է Ֆրանսիայի Հանրապետության արտակարգ եւ լիազոր դեսպան Անն Լույոյին:
ԱԺ լրատվության բաժինը NEWS.am-ին տեղեկացնում է, որ դեսպանի խնդրանքով ԱԺ փոխնախագահը ներկայացրել է Հայաստան-Թուրքիա հարաբերությունների կարգավորման գործընթացի ներկայիս վիճակը:
Զրուցակիցները քննարկել են հայ-ֆրանսիական համագործակցությանը, ինչպես նաեւ տարածաշրջանային զարգացումներին առնչվող մի շարք հարցեր: