Ստամբուլի հայտնի ընդդիմադիր քաղաքապետը դատարանի առջեւ է կանգնել քաղաքական դրդապատճառներով դատական գործընթացի շրջանակում, որը կարող է արգելել նրան առաջադրվել հաջորդ տարվա համընդհանուր ընտրություններին, հաղորդում է AFP-ը։
Դատախազությունը պահանջում է Էքրեմ Իմամօղլուին դատապարտել 15 ամսից մինչեւ 4 տարի ազատազրկման՝ նախագահ Էրդողանի դաշնակցին 2019 թվականին քաղաքապետի՝ խիստ վիճահարույց ընտրություններում հաղթելուց հետո:
Մեղադրական դատավճիռը Իմամօղլուին կզրկի պատիժը կրելու ժամկետում քաղաքականությամբ զբաղվելու իրավունքից։
Իմամօղլուն կշարունակի կատարել Ստամբուլի քաղաքապետի պարտականությունները մինչեւ նրա բողոքարկումը կդիտարկվի դատարաններում։ Քաղաքապետի թիմը դատը դիտարկում է որպես Էրդողանի անձնական վենդետա նրա գլխավոր մրցակիցներից մեկի դեմ։
Գործը կապված է Իմամօղլուի դիտողության հետ, որն արվել է երկրորդ ընտրություններում Էրդողանի դաշնակցի նկատմամբ տարած հաղթանակից մի քանի ամիս անց, երբ նրա առաջին հաղթանակը չեղյալ է հայտարարվել:
Պաշտոնյաները հայտնել են հարյուր հազարավոր «կասկածելի ձայների հայտնաբերման մասին» այն բանից հետո, երբ Էրդողանը հրաժարվել է ճանաչել Իմամօղլուի նախնական հաղթանակը մի քաղաքում, որը նա ինքն էր ղեկավարում նախքան երկու տասնամյակ առաջ ազգային քաղաքականությամբ զբաղվելը: Այդ որոշումը ուժեղ հարված է հասցրել Էրդողանի իսլամական կուսակցությանը։ Բողոքի ալիքները եւ բոլոր քաղաքական շրջանակների աջակցության ալիքը Իմամօղլուին համոզիչ հաղթանակ են բերել նույն տարվա հունիսին անցկացված կրկնակի քվեարկության ժամանակ: