Անկախ Պետությունների Համագործակցության (ԱՊՀ) նշանակությունը ընթացիկ իրողություններում միայն կմեծանա։ Այս մասին չորեքշաբթի օրը հայտարարել է ՌԴ ԱԳ նախարար Սերգեյ Լավրովը «Եդինայա Ռոսիա» կուսակցության կողմից կազմակերպված «Եվրասիական ընտրությունը որպես ինքնիշխանության ամրապնդման հիմք» միջազգային միջկուսակցական համաժողովում, փոխանցում է «ՌԻԱ Նովոստին»։
Լավրովը նշել է ԱՊՀ շրջանակներում բազմակողմ համագործակցության ամրապնդման հարցում շահագրգռվածությունը՝ հավելելով, որ մասնակիցների քանակի, փոխգործակցության ձեւերի ու ոլորտների բազմազանության առումով Համագործակցությունը, որպես տարածաշրջանային ինտեգրացիոն ասոցիացիա, որտեղ համագործակցության ուղղությունն ընդգրկում է գրեթե բոլոր ոլորտները, ներկայումս իր նմանը չունի։