Մոսկվան Սիրիայում ցամաքային գործողության հարցով սերտ կապի մեջ է Անկարայի հետ։ Այս մասին հայտարարել է ՌԴ նախագահի՝ Մերձավոր Արեւելքի եւ Աֆրիկայի երկրների հարցերով հատուկ ներկայացուցիչ, ԱԳ փոխնախարար Միխայիլ Բոգդանովը, հաղորդում է ՏԱՍՍ-ը։
«Իհարկե, ամեն ինչում չէ, որ համաձայն ենք, բայց այն, որ սերտ կապի մեջ ենք թուրք գործընկերների հետ, փաստ է»,-նշել է նա՝ մեկնաբանելով Թուրքիայի նախագահ Ռեջեփ Էրդողանի հայտարարությունը Սիրիայի հյուսիսում գործողության հարցում Մոսկվայի եւ Դամասկոսի հետ փոխգործակցելու ցանկության մասին: «Կա տեղեկատվության փոխանակում հիմնականում ռազմական գերատեսչությունների գծով։ Նրանք մշտական կապի մեջ են ե՛ւ Անկարայում, ե՛ւ Մոսկվայում, եւ, ամենակարեւորը, տեղում»,-ասել է նա։