Կալիֆոռնիայում տեղի ունեցած երկրաշարժի հետեւանքով առնվազն երկու մարդ է զոհվել, 11-ը՝ վիրավորվել, հաղորդում է ՏԱՍՍ-ը՝ վկայակոչելով Հումբոլդթի շրջանի շերիֆի գրասենյակի մամուլի ծառայությունը։

Ավելի քան 70 հազար տուն եւ ձեռնարկություն մնացել է առանց էլեկտրականության, ասվում է poweroutage.us պորտալում։ 

Ավելի վաղ հաղորդվել է,որ 6,4 մագնիտուդով երկրաշարժ է տեղի ունեցել։ Էպիկենտրոնը գտնվել է մոտ 12 հազար բնակչություն ունեցող Ֆորտունա քաղաքից 21,6 կմ դեպի հյուսիս-արեւմուտք։ Օջախը գտնվել է 16,1 կմ խորության վրա: Ցունամիի վտանգ չի հայտարարվել: