Ամանորյա տրամադրության բացակայությունը կարող է կապված լինել ոչ միայն հոգնածության եւ սթրեսի հետ, երբեմն դա վկայում է առողջական լուրջ խնդիրների մասին, «Իզվեստիա»-ին ասել է «Инвитро-Урал»-ի էնդոկրինոլոգ Վերոնիկա Զայցեւան։
Ամանորյա եռուզեռը եւ մինչեւ ձմեռային արձակուրդների մեկնարկն ամեն ինչ անելու ցանկությունը հանգեցնում են օրգանիզմում ադրենալինի եւ սթրեսի հորմոն կորտիզոլի ավելցուկային արտադրությանը։ Այս նյութերի անհավասարակշռության պատճառով կարող է սկսվել հորմոնալ խափանում, մարդը կսկսի իրեն հոգնած եւ ուժասպառ զգալ:
«Տոների նախաշեմին կարեւոր է քնի գրաֆիկ սահմանել՝ մելատոնինի արտադրությունը նորմալացնելու համար, որն օգնում է ուրախության հորմոն սերոտոնին ձեւավորել։ Տրամադրության համար պատասխանատու հորմոն են նաեւ դոֆամինը եւ էնդորֆինը, որոնք մենք կարող ենք ստանալ սպորտով զբաղվելու կամ պարզապես ցանկացած հաճելի զբաղմունքի ժամանակ»,- բացատրել է բժիշկը։
Ամանորյա տրամադրության բացակայությունը կարող է պայմանավորված լինել նաեւ վիտամինների պակասով։ Կարեւոր է ուշադրություն դարձնել օրգանիզմում վիտամին D-ի եւ մագնեզիումի մակարդակին եւ անհրաժեշտության դեպքում լրացնել դեֆիցիտը։
