Պորտուգալիայում գործել են աշխարհի ամենամեծ տոնածառը, գրում է UPI պորտալը։ Նրա բարձրությունը 16 մետր է կազմել։
Նախագծի հեղինակները Լիսաբոնի մի խումբ բնակիչներն են։ Հեղինակների խոսքով, սկզբնական շրջանում իրենց գաղափարն ուղղված է եղել նրան, որ զբաղմունք գտնեն տարեց մարդկանց համար, ովքեր երկու տարի տանը նստած են եղել կորոնավիրուսի համավարակի պատճառով։ Սակայն նախագիծը շուտով ընդլայնվել է՝ ընդգրկելով 11-88 տարեկան 70 մարդու:
«Մենք երբեք չէինք կարծում, որ դա այդքան հաջող կլինի: Սկզբում մտածում էինք 3-4 մետր բարձրությամբ ոչ մեծ ծառի մասին, իսկ հետո, երբ հասկացանք, որ դրանում շատ մարդիկ են ներգրավվելու, անցանք 16 մետր բարձրությամբ գործած տոնածառի, որը գրանցվեց Գինեսի ռեկորդների գրքում»,- մեկնաբանել է ծրագրի համակարգողը: