News
Լրահոս
News
Հինգշաբթի
Մայիս 30
Տեսնել լրահոսը

Ընթացիկ տարվա առաջին տասն ամիսներին Ռուսաստան ապրանքների արտահանումն ավելացել է ավելի քան երկու անգամ։ Միության կազմավորման պահից արտահանումը Հայաստանից ԵԱՏՄ երկրներ ավելացել է ավելի քան չորս անգամ, բայց անհրաժեշտ է որոշակի միջոցներ ձեռնարկել՝ խուսափելու համար ոլորտի խնդիրներից։ Այս մասին նշվել է տնտեսագետներ Աշոտ եւ Աղասի Թավադյանների համատեղ զեկույցում, որը դեկտեմբերի 26-ին ներկայացվել է «Հետխորհրդային տարածքում ինտեգրացիոն գործընթացների զարգացման արդիական ուղղությունները» համաժողովում։

Զեկույցում նաեւ նշվել է. «2022թ. առաջին յոթ ամիսներին ներմուծումը Հայաստանում ավելացել է 50,1 տոկոսով (2,7-ից հասնելով 4,0 մլրդ դոլարի)։ Ներմուծումը գերազանցում է արտահանումը 1,82 անգամ, անցած տարի այս ցուցանիշը կազմում էր 1,7։ Ներմուծումը ԵԱՏՄ երկրներից ավելացել է 44,5 տոկոսով։ Ռուսաստանից ներմուծման ծավալն ավելացել է 44 տոկոսով։

2022թ. առաջին կիսամյակում վառելիքը դարձել է Հայաստանի հիմնական ներմուծվող ապրանքը, ներմուծման ծավալներն ավելացել են 38,4 տոկոսով եւ կազմել ներուծման ընդհանուր ծավալի 18 տոկոսը։

2022թ. վերջին Հայաստանի արտահանման ընդհանուր ծավալը կարող է կազմել 4,8-5,4 մլրդ դոլար, այսինքն՝ աճը 2021թ. համեմատ կկազմի 60-77 տոկոս։

Արտահանումը ԵԱՏՄ-ում ավելացել է ավելի քան երկու անգամ եւ կազմում է 40 տոկոս կամ արտահաման ընդհանուր ծավալից ավելին՝ 2,0-2,5 մլրդ դոլար։

Ռուսաստան մեքենաների եւ սարքավորումների արտահանումն անցած 8 ամսում ավելացել է ավելի քան 12 անգամ, քիմիկատները, պլաստմասան, խեցեղենը, ապակին եւ մետաղները՝ ավելի քան 3 անգամ։

Այսպիսով, տնտեսության ընդհանուր աճը պայմանավորված է մեքենաների, քիմիկատների, ապակու եւ խեցեղենի արտահանման ավելացմամբ, որոնք ծանր արդյունաբերության մի մասն են։ Սակայն Հայաստանը սեփական արտադրահզորություններ չունի։ Չնայած Հայաստանի տնտեսությունում գրանցվել է կրկնակի աճ, այդ աճը չի համապատասխանում ծանր արդյունաբերության արտահանման յոթանիշ ավելացմանը։ Հարկ է նշել, որ վերջին ժամանակներս նկատվում է Հայաստան մեքենաների եւ սարքավորումների ներմուծման էական ավելացում։

Հայաստանից Ռուսաստան արտահանման մոտ 20 տոկոսը 2021թ. վերարտահանում է եղել։ 2022թ. Հայաստանից Ռուսաստան արտահանման 45 տոկոսը համարվում է վերարտահանում։ 2021թ.  Ռուսաստան Հայաստանից զուտ արտահանումը կազմել է մոտ 670 մլն դոլար, իսկ 2022թ. սպասվում է, որ այն կկազմի մոտ 1,2 մլրդ դոլար։ Փաստացի, իրական աճը կկազմի 75 տոկոս։ Այս հաշվարկային ցուցանիշը մեկ տարվա համար աճի բավական բարձր մակարդակ է եւ վկայում է ռուսական շուկայում եւ ԵԱՏՄ-ում Հայաստանի արտադրանքի մրցունակության բարձրացման մասին»։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի փոխարժեքը աճել է. եվրոն էժանացել է
ԱՄՆ դոլարի փոխարժեքն այսօր՝ մայիսի 30-ին, կազմել է…
ՀՀ տնտեսական ակտիվության աճն ապրիլին դանդաղել է. «Լույս» հիմնադրամ
«ԼՈՒՅՍ» հիմնադրամը, ելնելով ՀՀ վիճակագրական կոմիտեի կողմից հրապարակված…
Կերկարացվի Տնամերձ հողամասերում այգեհիմնման և ոռոգման արդիական համակարգերի ներդրման ծրագրի ժամկետը
Կարգավորման նպատակն է` փորձնական ծրագրի շրջանակում ապահովել պետական աջակցությամբ տնամերձ հողամասերում այգեհիմնման և ոռոգման...
Ռաֆայել Գևորգյանն ազատվել է էկոնոմիկայի նախարարի տեղակալի պաշտոնից
Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով...
3-5 ամսով կհետաձգվեն Կոմիտասի շուկայի վերանորոգման աշխատանքները. Սեփականատեր ընկերություն
Հաշվի առնելով շուկայում առևտրով զբաղվող բազմաթիվ առևտրականների...
Ինչպես ստանալ օրինապահության հավաստագիր և ինչ արտոնություններից կարող է օգտվել այն ստացած տնտեսվարող սուբյեկտը
Բադասյանը հիշեցրեց, որ հարկային օրենսդրությամբ արդեն նմանատիպ համակարգ գործում է և օրինապահ հարկ վճարողի հավաստագիր ունեցող սուբյեկտներին տալիս…
Ամենաշատ