News
Լրահոս
News
Չորեքշաբթի
Ապրիլ 24
Տեսնել լրահոսը

Հայ ժողովուրդը, ըստ տարբեր սոցիոլոգիական հարցումների, ճնշող մեծամասնությամբ (75-80%) միշտ Ռուսաստանին եւ ռուս ժողովրդին վերաբերվել է որպես ամենաբարեկամ երկրի եւ եղբայրական ժողովրդի։ Այս մասին դեկտեմբերի 26-ին «Հետխորհրդային տարածքում ինտեգրացիոն գործընթացների զարգացման արդիական ուղղությունները» գիտաժողովի ժամանակ ասաց սոցիոլոգիական գիտությունների դոկտոր Գեւորգ Պողոսյանը։

Նա հիշեցրեց, որ աշխարհում ամենամեծ հայկական սփյուռքն ապրում է Ռուսաստանում, որն իր չափերով համեմատելի է ժամանակակից Հայաստանի բնակչության հետ։

Նրա խոսքով, տարիների ընթացքում անցկացված սոցիոլոգիական հետազոտությունները վկայում են հայերի սոցիալական գիտակցության մեջ նրա ազգային ինքնության հիմքը կազմող մի քանի արժեքային հաստատունների առկայության մասին։

«Այդ հաստատունների մեջ կարեւոր տեղ է գրավում պատմական հարեւանների հետ հարաբերությունների բնույթն ու եղանակը։ Ռուսաստանը հարաբերությունների այս համակարգում մշտապես հանդես է եկել որպես բարեկամ երկիր, հուսալի ռազմավարական գործընկեր եւ անվտանգության երաշխավոր։ Հայ եւ ռուս ժողովուրդների հարաբերությունները պատմականորեն վստահելի եւ բարեկամական բնույթ են կրել։

Կենցաղային մակարդակում Հայաստանի բնակչության շրջանում երբեք ռուսաֆոբիա չի եղել, եւ չկա։ Դրա ակնհայտ վկայությունը ռուս զբոսաշրջիկների, ինչպես նաեւ Ռուսաստանից վերջերս տեղափոխվածների հանդեպ բաց ու ջերմ վերաբերմունքն է։ Ուկրաինական ճգնաժամը, արեւմտյան պատժամիջոցները եւ մասնակի մոբիլիզացիան ստիպել են շատ ռուսաստանցիների լքել երկիրը։ Ռազմական գործողությունների սկզբից ձեւավորվել է ռուս տեղափոխվածների բավականին մեծ հոսք, այդ թվում՝ դեպի Հայաստան։ 2022 թվականի հոկտեմբերի դրությամբ Հայաստան է ժամանել մոտ 300 000 ռուսաստանցի, որոնց գրեթե կեսը մեկնել է հարեւան Վրաստան եւ այլ երկրներ»,- ընդգծեց նա։

Նա հայտնեց, որ հարյուր հազար ռուսաստանցիներ արդեն հաշիվներ են բացել հայաստանյան բանկերում, մի քանի հարյուր ռուսական ընկերություններ բացել են իրենց գրասենյակները, հարյուրավորները Հայաստան բիզնեսը տեղափոխելու դիմում են ներկայացրել, իսկ 17 000 ռուսաստանցիներ Հայաստանի քաղաքացիություն են ստացել։ «Ռուսաստանցիների ճնշող մեծամասնությունն արտաքին տնտեսական գործունեությամբ զբաղվող միջին բիզնեսի ներկայացուցիչներ են։ Դրանք հիմնականում տնտեսական միգրանտներ են, ՏՏ ընկերությունների աշխատակիցներ, որոնք երբեմն ամբողջ գրասենյակներով են տեղափոխվում, քանի որ Ռուսաստանում պատժամիջոցների տակ աշխատելն անհարմար է դառնում։ Հայաստանի քաղաքացիությունը նրանց հնարավորություն է տալիս նաեւ շենգենյան վիզաներ ստանալ»,- եզրափակեց փորձագետը։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կաթնամթերք արտադրող ևս 4 ընկերություն կվերսկսի իր արտադրանքի արտահանումը ՌԴ
Իրավասու գերատեսչությունների ղեկավարներն արձանագրել են Հայաստանի Հանրապետությունից Ռուսաստանի Դաշնություն միրգ-բանջարեղենի…
Հայաստանի ԱԳՆ նախկին ղեկավարը տարակուսանք է հայտնել Ռուսաստանի վարքագծի կապակցությամբ
Մեր հարաբերությունները խորը ճգնաժամ են ապրում․․․
Պեսկով. Պուտինի և Փաշինյանի անձնական շփումը կարող է կայանալ «կարճաժամկետ հեռանկարում»
Պուտինի և Փաշինյանի անձնական շփումը կարող է տեղի ունենալ․․․
ԱՄՆ-ում կարծում են, որ ռուսական բազան ապագայում կարող է խոչընդոտել Հայաստանի հետ գործընթացներին
Նա վստահեցրեց, որ Հարավային Կովկասի ամենամեծ խաղացողը դառնալու ցանկությունն ու հնարավորությունը Արեւմուտքի համար ամենակարեւոր խնդիրը չէ...
Հայաստանը կխզի հարաբերությունները Ռուսաստանի հետ, բայց ոչ անմիջապես. «Stratfor»-ի վերլուծաբան
Նրա խոսքով` դեռևս չկան նախադրյալներ, որպեսզի Հայաստանը դուրս գա ՀԱՊԿ-ից, այս տարբերակը Հայաստանի ղեկավարության համար պահպանվում է որպես պահեստային տարբերակ...
Ինչո՞ւ Ռուսաստանը համաձայնեց խաղաղապահներին դուրս բերել Ղարաբաղից. «Stratfor»-ի վերլուծաբանի կարծիքը
Երկրորդ, ավելի կարևոր պատճառն է Ռուսաստանի համար՝ ցույց տալ, որ Հարավային Կովկասում նոր ռազմավարության շրջանակներում պատրաստ է հնարավորինս ցույց տալ...
Ամենաշատ