Բելառուսի եւ Ռուսաստանի միջեւ վճարումների ավելի քան 80%-ը կատարվում է ազգային արժույթով։ Սա ԵԱՏՄ-ում ամենամեծ ցուցանիշն է։ Այս մասին դեկտեմբերի 26-ին Մոսկվա-Մինսկ-Բիշքեկ-Երեւան-Սուխում-Ցխինվալ տեսակամրջի ժամանակ հայտարարել է ՌԴ տնտեսական զարգացման փոխնախարար Դմիտրի Վոլվաչը։
Այնուամենայնիվ, ինչպես նշել է փոխնախարարը, դեռեւս վաղաժամ է խոսել միասնական արժույթի անցնելու անհրաժեշտության մասին՝ ինչպես Բելառուսի եւ Ռուսաստանի միութենական պետության, այնպես էլ ամբողջ ԵԱՏՄ-ի շրջանակներում։
«Գուցե հետո, ինտեգրման հաջորդ փուլում, մենք բարձրացնենք այդ հարցը։ Բայց առայժմ կարծում եմ, որ մենք դեռ շատ աշխատանք ունենք անելու: Հատկապես ազգային արժույթներով հաշվարկներին ամենաամբողջական անցման հնարավորությունների իրացման տեսանկյունից։ Խոսքը, մասնավորապես, Եվրասիական տնտեսական միության անդամ երկրների մասին է»,- ընդգծել է Վոլվաչը։