Տոնական օրերին Շտապօգնության ծառայությունն օրական մոտ 950 կանչ է ստացվել: Այս մասին այսօր՝ հունվարի 3-ին, NEWS.am-ի հետ զրույցում ասաց «Շտապօգնություն» ՓԲԸ ղեկավար Թագուհի Ստեփանյանը։
«Կանչերը հիմնականում ամեն տարվա ավանդական տեսքն ունեն: Առաջին տեղում սուր շնչառական վարակների, երկրորդ տեղում՝սրտանոթային համակարգի հիվանդությունների հետ կապված կանչերն են: Հոսպիտալացվել են դիմած քաղաքացիների մոտ 20 տոկոսը Այս տարի ալկոհոլային եւ սննդային թունավորման կանչեր չենք ստացել»,- ասաց Ստեփանյանը:
Նա նշեց, որ հասկանալու համար, թե նախորդ տարվա համեմատ կանչերի թիվն աճել է, թե նվազել, մոտ 10 օր է անհրաժեշտ: