Այս պահի դրությամբ ունենք նոր ժամանած 60 «Ժոնգ տոնգ» մակնիշի ավտոբուսներ եւ 20 միավոր MAN մակնիշի ավտոբուսներ, այսօր ակնկալում ենք եւս 30 «Ժոնգ տոնգ» մակնիշի ավտոբուսների ժամանում: Այս մասին այսօր՝ հունվարի 9-ին, Երեւանի քաղաքապետարանում կայացած հերթական գործակարգավարական խորհրդակցության ժամանակ նշեց «Երևանի ավտոբուս» ՓԲԸ տնօրեն Էլբակ Թարփոշյանը:
Քաղաքապետ Հրաչյա Սարգսյանը հետաքրքրվեց, թե արդյոք պահեստամասերի հարցը լուծվել է, ինչին տրանսպորտի վարչության պետի պաշտոնակատար Հայկ Սարգսյանը պատասխանեց, որ պահեստամասերը դուրս են եկել, արդեն հատում է սահմանը:
