ՀԱՊԿ նոր գլխավոր քարտուղար Իմանգալի Տասմագամբետովին ներկայացրել են ՀԱՊԿ մշտական խորհրդի նիստում։ Այս մասին հայտնել է Մոսկվայում Բելառուսի դեսպանատունը:
«Բելառուսի Հանրապետության Անվտանգության խորհրդի պետական քարտուղար Ալեքսանդր Վոլֆովիչը ՀԱՊԿ մշտական խորհրդի նիստի ընթացքում ներկայացրել է կազմակերպության նոր գլխավոր քարտուղար, Ղազախստանի ներկայացուցիչ Իմանգալի Տասմագամբետովին»,-հայտնել է դեսպանատունն իր Telegram ալիքում:
Ավելի վաղ հաղորդվել է, որ Մոսկվայում Ղազախստանի նախկին դեսպան Իմանգալի Տասմագամբետովն առաջիկա երեք տարիներին կզբաղեցնի ՀԱՊԿ գլխավոր քարտուղարի պաշտոնը: