Եվրախորհրդարանը կոչ է արել Իսլամական հեղափոխության պահապանների կորպուսը ներառել Եվրամիության ահաբեկիչների ցուցակում եւ ընդլայնել Թեհրանի դեմ պատժամիջոցները։
Ոչ պարտադիր բանաձեւում, որն ընդունվել է ձայների մեծամասնությամբ, եվրախորհրդարանականները կոչ են արել ԵՄ անդամ երկրներին պատժիչ գործողություններ ձեռնարկել՝ դիմակայելու այն ամենին, ինչը նրանք համարում են Իրանում «մարդու իրավունքներից արագ շեղում»։
Բացի կազմակերպությունը ահաբեկիչների սեւ ցուցակում ընդգրկելու կոչից՝ Եվրախորհրդարանը նաեւ ցանկանում է, որ ԵՄ-ն արգելի ցանկացած տնտեսական կամ ֆինանսական գործունեություն, որը կարող է կապված լինել Իսլամական հեղափոխության պահապանների կորպուսի հետ:
ԱՄՆ-ն ԻՀՊԿ-ն արդեն ճանաչել է որպես «օտարերկրյա ահաբեկչական կազմակերպություն» եւ այն ենթարկել աննախադեպ պատժամիջոցների։