Բուրկինա Ֆասոյի ռազմական կառավարությունը Արեւմտյան Աֆրիկայի երկրում տեղակայված ֆրանսիական զորքերին հրամայել է մեկ ամսվա ընթացքում լքել երկիրը, հայտնում է AFP-ն։
Բուրկինայի պաշտոնական տեղեկատվական գործակալության (AIB) կողմից հայտարարված որոշումը Ֆրանսիայի եւ նրա նախկին գաղութի միջեւ հարաբերությունների վատթարացման վերջին նշանն է անցյալ սեպտեմբերին տեղի ունեցած երկրորդ ռազմական հեղաշրջումից հետո:
Գործակալությունը հայտնել է, որ ռազմական կառավարությունը կասեցրել է 2018 թվականին կնքված ռազմական պայմանագիրը, որը թույլ էր տալիս ֆրանսիական զորքերի գտնվել երկրում:
Բուրկինա Ֆասոյի զինված ուժերին մոտ կանգնած աղբյուրը AFP լրատվական գործակալությանը հայտնել է, որ Ուագադուգուն չի խզում հարաբերությունները Ֆրանսիայի հետ, եւ որ «ծանուցումը վերաբերում է միայն ռազմական համագործակցության համաձայնագրերին»։
Ֆրանսիան ունի մոտ 400 հատուկ ջոկատայիններ, որոնք տեղակայված են Բուրկինա Ֆասոյում եւ կռվում են Ալ-Քաիդայի եւ «Իսլամական պետություն» խմբավորման հետ կապված խմբավորումների դեմ: