Հունվարի 22-ին շրջափակված արցախում հարսանիք է եղել։

Լուսանկարիչ Դավիթ Ղահրամանյանը ֆեյսբուքյան իր էջում հարսանեկան արարողությունից լուսանկար է հրապարակել և կից գրել։

«Գեղամի և Արևի պսակադրությունը Ստեփանակերտի Սուրբ Հակոբ եկեղեցում։ Ադրբեջանի տերրորիստական իշխանության կողմից Արցախի շրջափակման 42-րդ օր»:

Հիշեցնենք, որ արդեն 42 օր Արցախը գտնվում է լիակատար շրջափակման մեջ,  անջատել են նաեւ Արցախի գազամատակարարումը, վնասել բարձրավոլտ էլեկտրական գծերը:

Ավելի քան 120 հազար արցախահայեր, այս թվում՝ շուրջ 30 հազար երեխա, գտնվում են շրջափակման մեջ։