ՀՀ ՆԳՆ միգրացիայի և քաղաքացիության ծառայությունում Թուրքիայի հայ քաղաքացիների կողմից խուլիգանություն կատարելու հատկանիշներով նախաձեռնվել է քրեական վարույթ: Այս մասին NEWS.am-ին հայտնեց ՔԿ խոսնակ Գոռ Աբրահամյանը:
Նա նշեց, որ դեպքի առնչությամբ ընթանում է նախաքննություն:
Ավելի վաղ aravot.am-ը գրել էր՝ հունվարի եւ0-ին ՀՀ ՆԳՆ ոստիկանության օպերատիվ կառավարման կենտրոնից հաղորդում է ստացվել, որ իրենց է զանգահարել ՀՀ ՆԳՆ միգրացիայի և քաղաքացիության ծառայության գլխավոր մասնագետ Դ.Թ․-ն եւ հայտնել, որ նույն օրը Միգրացիայի եւ քաղաքացիության ծառայություն են այցելել ազգությամբ հայ, Թուրքիայի քաղաքացիներ Սումե Քամեր Նուրհանը, Սումե Էբրուհին եւ Սումե Թալինը, բղավել, թափել Դ․Թ․-ի աշխատասենյակի սեղանին դրված թղթերն ու իրերը, անհարգալից վերաբերմունք դրսևորել այնտեղ գտնվող քաղաքացիների եւ աշխատակիցների նկատմամբ, ինչի արդյունքում խախտվել է ՀՀ ՆԳՆ միգրացիայի և քաղաքացիության ծառայության բնականոն աշխատանքը: