Ուկրաինայի նախագահ Վլադիմիր Զելենսկու գրասենյակի ղեկավարի խորհրդական Միխայիլ Պոդոլյակը մեկնաբանել է ուկրաինացի պաշտոնյաների հրաժարականների շարքը՝ նշելով, որ իշխանությունները աչք չեն փակում խախտումների վրա։ Այս մասին նա գրել է Twitter-ի իր էջում։
«Զելենսկու կադրային որոշումները վկայում են պետության առանցքային առաջնահերթությունների մասին։ Ոչ ոք «աչք չի փակում»։ Յուրաքանչյուրը պետք է հասկանա իր պատասխանատվությունը։ Նախագահը տեսնում եւ լսում է հասարակությանը։ Եվ նա ուղղակիորեն պատասխանում է հասարակության առանցքային պահանջին՝ արդարություն բոլորի համար»,-գրել է Պոդոլյակը։
