News
Լրահոս
News
Ուրբաթ
Մարտ 31
USD
388.3
EUR
422.39
RUB
5.03
Տեսնել լրահոսը


Եթե ես տեսնում եմ, որ այրված դիակներ կան, որքան էլ ես բազմափորձ լինեմ, չեմ կարող ասել մահվան պատճառը որն է: Այս մասին NEWS.am-ի հետ զրույցում նշեց փաստաբան, նախկին դատախազ, Հովսեփ Սարգսյանը՝ անդրադառնալով հնչող հայտարարություններին, թե զորամասի կացարանում զինվորները զոհվել են ծխահարվելուց:

«Պետք է կատարվի դատաբժշկական փորձաքննություն, որի արդյունքում հնարավոր կլինի ասել մահվան պատճառը: Միգուցե այլ բանից է մահացել: Հայտարարել, որ նրանց մահվան պատճառը ծխահարվելն է, դա պրոֆեսիոնալ չէ: Իսկ եթե պարզվի, որ չեն ծխահարվել, մինչ այդ մահացած են եղել, հասարակությանն ի՞նչ պատասխան պետք է տա այդ նույն բարձրաստիճան պաշտոնյան:  Եթե չես սպասում նախաքննության ավարտին, փորձաքննությունների արդյունքներին և արդեն մեղադրում ես որևէ մեկին, քննադատում ես, նշանակում է, որ չես ուզում, որ ճշմարտությունը բացահայտվի»,-ասաց նա:

Ինչ վերաբերում է նրան, որ վարչապետ Նիկոլ Փաշինյանը հայտարարեց, թե զորանոցներում եղել են կրակայրիչներ, դրանով պետք է վառեին վառարանը, փաստաբանն ասաց. «Ես կարծում եմ՝ վարչապետը չէր կարող իմանալ, որ այդ զորանոցում եղել է կրակայրիչ կամ չի եղել: Մենք չպետք է մտածենք, որ վարչապետի կամ նախարարի ասածը վերջնական է ու վերջ: Կհիմնավորեն պատշաճ դատավարական ընթացակարգով, ուրեմն դա է ճշմարտությունը, և մենք բոլորս պետք է հաշվի նստենք դրա հետ»:

Հովսեփ Սարգսյանը համաձայն չէ պնդումներին, թե տվյալ շինությունը չէր կարող ծառայել որպես զորանոց. «Ցանկացած շինություն կարող է զորանոց դառնալ: Զարմանալի չէ, որ ինչ-որ տուն դարձել է զորանոց: Սրան պետք է նորմալ վերաբերվել: Ինչ վերաբերում է ճաղավանդակներին, կարող են լինել ճաղավանդակներ, կարող են չլինել, դա կախված է նրանից, թե պաշտպանական առաջադրանքներն ինչպիսին են եղել զվյալ զորամասին տրված: Սրանք պետական կամ ծառայողական գաղտնիքների տակ տեղավորվող իրավիճակներ են, որին հասարակությունը չպետք է իրազեկված լինի: Հետևաբար, սրա մասին դատողություն անելը կամ խոսելը առնվազն անթույլատրելի է: Դրա համարքննությունը պետք է կատարվի գաղտնիության ռեժիմով, առավել ևս, որ կան զոհեր և այն վերաբերում է պաշտպանության բնագավառին:

Օրինակ, այնտեղ կարող է լինել գաղտնի հրամաններով կարգավորվող հարաբերություններ, ինչու պետք է հասարակությունը դա իմանա: Քանի որ սահմաններին հանգիստ չէ, ՊՆ-ն պարտավոր է ձեռնարկել համապատասխան պաշտպանական միջոցառումներ: Թե դրանք ինչպիսին պետք է լինեն, պաշտպանության նախարարը այս առումով հաշվետու չէ ոչ հասարակությանը, ոչ էլ որևէ մեկին: Այլ խնդիր է, որ պարզվի, որ այդ աշխատանքները կատարվել են ոչ հավուր պատշաճի, դրա արդյունքում լինեն ազատումներ, սա արդեն ուրիշ խնդիր է: Սա կլինի պատճառաբանված»:

Տպել
Կարդացեք նաև
Ամբողջը
Բացառում եմ, որ զինվորական կացարանում տեսանկարահանումներ եւ լուսանկարահանումներ արված չլինեն. փաստաբան
Լեյտենանտի կողմից այն հայտարարությանը, թե չի եղել բենզին տարածքում, այդ հարցի առնչությամբ ստացվել է սպառիչ պատասխան, որը մեծացնում է կասկածամտությունը...
Տղաները նախապես մահացած են եղել. զինվորական կացարանում հրդեհից մահացած զինծառայողի տատ
Մենք 15 զինծառայողների ծնողներով չենք հավատում պաշտոնական վարկածին...
«Մենք լիարժեք բավարարված չենք հանդիպումից». կացարանում հրդեհից մահացած զինվորի հայրը՝ զինդատախազի հետ հանդիպման մասին
Ամբողջը քննչական գործողության փուլում է, գաղտնիք է, չենք կարող բացահայտել...
Կացարանում հրդեհից մահացած 15 զինծառայողների ծնողները հանդիպում են զինդատախազի հետ
Հանդիպում են ՀՀ զինվորական դատախազ Գրիգոր Էլիզբարյանի հետ...
Կա՛մ վարչապետն է ստում, կա՛մ լեյտենանտն է ստախոսությամբ զբաղված․ Նորայր Նորիկյան
Այս հարցի վերաբերյալ հանրությանը պետք է տրվի սպառիչ տեղեկություն, ինչով է…
Թող բերեն Եղոյին տան ինձ, 30 րոպե հետո ես պատմեմ, թե իրականում ինչ է եղել այդ կացարանում. Զոհված զինծառայողի ծնող
Մենք ուզում ենք իմանալ՝ ո՞ւմ հրամանով են դիերը տեղափոխել, վարչապետի հրամանով...
Ամենաշատ