Առեղծվածային ծագման նկարը, հավանաբար, Ռաֆայելի գլուխգործոցն է, հայտարարել են բրիտանացի հետազոտողները՝ դիմանկարը վերլուծելու համար դեմքի ճանաչման տեխնոլոգիա եւ արհեստական բանականություն (ԱԲ) օգտագործելուց հետո, հաղորդում է CBS News-ը:
Վերածննդի դարաշրջանի նկարը, որը կոչվում է Tondo de Brecy, ակտիվորեն ուսումնասիրվել է ավելի քան 40 տարի։ Նոթինգեմի եւ Բրեդֆորդի համալսարանի հետազոտողները օգտագործել են արհեստական բանականությամբ դեմքի ճանաչման համակարգ, որը մշակել է Բրեդֆորդի տեսողական հաշվարկների պրոֆեսոր Հասան Ուգայլը՝ դրա հավանական ստեղծողին որոշելու համար:
Համակարգն օգտագործում է DNN՝ խորը նեյրոնային ցանց, որը նույնականացնում է պատկերների եւ տեսանյութերի օրինաչափությունները: Համակարգը, ավելի ճշգրիտ, քան մարդու աչքը, կարողացել է վերլուծել նկարի նմանությունը Ռաֆայելի ստեղծած մեկ այլ նկարի հետ։
Տեխնոլոգիան պարզել է, որ Tondo de Brecy-ն, որում պատկերված են կին եւ երեխա, շատ նման է Ռաֆայելի «Սիքստինյան Մադոննա»-ին, որում նույնպես պատկերված են շատ նման կին եւ երեխա:
