Ջո Բայդենի վարչակազմը հակված է Ուկրաինա «զգալի քանակությամբ» M1 Abrams տանկեր ուղարկել, հաղորդում է Politico-ն՝ վկայակոչելով երկու ամերիկացի պաշտոնյաների:
ԱՄՆ-ի հնարավոր որոշման մասին լուրերից անմիջապես հետո Գերմանիայի կանցլեր Օլաֆ Շոլցը հայտարարել է, Ուկրաինա գերմանական Leopard տանկեր ուղարկելու մասին: Անցյալ շաբաթ Շոլցն ամերիկացի օրենսդիրներին ասել էր, որ Բեռլինը փոխանցումը միայն այն դեպքում կհաստատի, եթե ԱՄՆ-ն նախ իր տանկերն ուղարկի:
Ամերիկացի երկու պաշտոնյաներից մեկն ասել է, որ Բայդենի վարչակազմը դիտարկում է մոտ 30 Abrams տանկ ուղարկելու հնարավորությունը:
Հարցին ծանոթ երրորդ անձի խոսքով, տանկերը, ամենայն հավանականությամբ, կտրամադրվեն Ուկրաինայի անվտանգությանն աջակցության նախաձեռնությունից: Ծրագիրը թույլ է տալիս Վաշինգտոնին ֆինանսավորել Ուկրաինայի համար զենքի եւ տեխնիկայի գնումը, այլ ոչ թե դրանք հանել ԱՄՆ-ի առկա պահուստներից: