News
Լրահոս
News
Հինգշաբթի
Մարտ 28
Տեսնել լրահոսը

Լաչինի միջանցքը շրջափակած ադրբեջանցի «ակտիվիստները» կեղծ բնապահպանական պահանջների կարգախոսներով արդեն մեկուկես ամիս Արցախը լիակատար շրջափակման մեջ են պահում։ Բայց, ինչպես երեւում է, Բաքվում բնապահպաններն ավելի շատ բան ունեն անելու, քան էկոլոգիապես մաքուր Արցախում։ Եվ դա նորից ցույց է տալիս, որ Լաչինի միջանցքում տեղի ունեցողի հետեւում քաղաքական, այլ ոչ թե բնապահպանական պահանջներն են։

Ադրբեջանական ԶԼՄ-ները բավական հաճախ են հրապարակում նյութեր մայրաքաղաքի եւ շրջանների բնապահպանական խնդիրների մասին։ Այս մասին հերթական ռեպորտաժն է հրապարակել haqqin.az պարբերականը՝ այն նվիրելով «նավթային հարստության» հակառակ կողմին Ադրբեջանի նյութապես անապահով քաղաքացիների համար։

«Բավքի մոտ գտնվող Սաբունչի գյուղի Իլյաս Էֆենդիեւի եւ Ղամբար Վազիրովի փողոցների տների հարյուրավոր բնակիչների շրջանում վաղուց արդեն զգացողություն է առաջացել, որ իրենց տները գտնվում են գործող նավթարդյունահանման կենտրոնում, որը թյուրիմացաբար վերածվել է աղբանոցի. քիչ է, որ ոչ հեռվում գտնվում է մազութի հորը, որը չորս հեկտար է զբաղեցնում, հարեւան փողոցների բնակիչներն էլ դրան աղբ ու կենցաղային թափոններ են ավելացնում։ Արդյունքում՝ մազութի հորը ոչ միայն հակասանիտարիայի օջախ է դարձել, այլեւ վերածվել է հրդեհների աղբյուրի, որոնք այս տեղերում, ցավոք, հազվադեպ չեն»,- գրել է պարբերականը։

Տեղի բնակիչները haqqin.az-ին պատմել են, որ ամռանը ահավոր գարշահոտության պատճառով այստեղ պարզապես անհնար է շնչել։ Թվում էր, թե աշնանը եւ ձմռանը բնակիչների համար մի փոքր հեշտ է լինելու, բայց իրականում իրավիճակն ավելի է վատանում։ «Անգամ թեթեւ անձրեւը հեղեղում է առաջացնում,- ասել է բնակիչներից մեկը։- Դեպի հոր տանող ջրատարը լցված է աղբով եւ թափոններով։ Նույն պատկերն ենք տեսնում ձյան հալվելուց հետո։ Անելանելիության պատճառով աշնանը եւ ձմռանը մենք պարզապես փակում ենք մեր տները եւ գիշերում հարազատների մոտ»,- դժգոհել են Ադրբեջանի մայրաքաղաքի մերձակա գյուղի բնակիչները։

Սաքինա անունով կինն ասում է, որ մամուլում մի քանի բողոքների հրապարակումից հետո իրավիճակը փոքր-ինչ լավացել է, բայց խնդիրը նախկինի պես լուծված չէ։ «Վերջապես, մեզ համար աղբամաններ են դրել եւ ժամանակին աղբահանություն են կատարում,- ասում է Սաքինան։- Եվ չնայած հորը ամիսը մեկ անգամ մաքրում են, այն, միեւնույն է, լցվում է»։

«Սաբունչի գալով՝ մենք ահավոր պատկերի ականատես դարձանք։ Մեր աչքերի առջեւ մի քանի օր գարշահոտ մազութի հորի մոտ խաղում էին մի քանի երեխաներ։ Հանդիպելով մեր տարակուսած-հարցական հայացքին՝ տեղի բնակիչները թափահարում են ձեռքերը եւ ասում, որ իրենց մշտական վտանգ է սպառնում։ Եվ բանը միայն մազութի շերտը չէ, որը կարող է ցանկացած պահի բռնկվել։ Ցեխի պատճառով գրունտապատ փողոցները պարզապես անանցանելի են դարձել։ Անգամ չնայած այն բանին, որ ահա արդեն մի քանի օր չոր եղանակ է»,- գրել է պարբերականը։

«Մեկ տարի առաջ, երբ մենք այստեղ հող գնեցինք, մեզ ասացին, որ մազութը կմաքրեն, իսկ փողոցները կբարեկարգեն,- ասում է պատուհանից դուրս նայող տարեց կինը։- Սակայն նրանց խոստումներն այդպես էլ դատարկ խոսքեր մնացին»։ Կինն ավելացրել է, որ այս տեղանքում ապրում են միայն չափից ավելի անապահով մարդիկ։ «Եթե հնարավորություն ունենային, նրանք այստեղ չէին մնա,- ասում է նա։- Բայց ելք չկա...»։

сабунчи1.jpg (153 KB)

сабунчи2.jpg (177 KB)

сабунчи3.jpg (178 KB)

сабунчи4.jpg (167 KB)

сабунчи5.jpg (156 KB)

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանը 2023թ-ին փորձում էր ուշադրության կենտրոնում պահել Լեռնային Ղարաբաղի շրջափակման հարցը. ԱԳՆ
Արտգործնախարարը հավելեց, որ ՄԱԿ-ի մակարդակով հաղորդագրություններ ու նամակներ են հրապարակվել...
Բուենոս Այրեսի խորհրդարանն ընդունեց Ադրբեջանի կողմից ԼՂ-ի դեմ իրականացրած գործողությունները դատապարտող հայտարարություն
Հանրապետության կողմից հրադադարի համաձայնությունը խախտող…
Ադրբեջանը օկուպացրել է Հայաստանի 200 քառակուսի կմ տարածք. Ռուբինյանը ելույթ է ունեցել Բիշքեկում
Հայաստանի տարածքային ամբողջականության դեմ լայնածավալ ռազմական գործողությունների, ինչպես նաև Ադրբեջանի կողմից վերջին երեք տարիների...
Ադրբեջանը պետք է ապահովի ԼՂ հայերի՝ իրենց տներում արժանապատիվ ապրելու իրավունքը․ ԵԽ նախարարների կոմիտեի հայտարարությունը
Ադրբեջանը պետք է ապահովի Ղարաբաղի հայերի մարդու իրավունքները, հիմնարար ազատությունները և անվտանգությունը՝ ներառյալ…
ՄԱԿ. Էթնիկ հայերի զանգվածային տեղահանումը կապված է Ադրբեջանի ռազմական գործողության և 9-ամսյա շրջափակման հետ
Նրանց զեկույցում իրավացիորեն նշվում է այն տառապանքը, որը պետք է պատճառեր այս փորձը...
Կոռնիձորում հումանիտար կայան կհիմնվի՝ ԼՂ-ում ստեղծված ճգնաժամը հաղթահարելու համար
Որոշման հիմնավորման մեջ նշվում է, որ կայանի նպատակն է միջազգային կազմակերպությունների և օտարերկրյա խմբերի ջանքերը մեկտեղելը, հումանիտար...
Ամենաշատ