Գերմանիայի պաշտպանության նախարար Բորիս Պիստորիուսը հայտարարել է, որ արդեն հաջորդ շաբաթ բանակցություններ կսկսի պաշտպանական արդյունաբերության հետ՝ սպառազինությունների գնումներն արագացնելու եւ զինամթերքի մատակարարումներն ավելացնելու համար, հաղորդում է Reuters-ը:
«Իմ հիմնական խնդիրն այժմ պաշտպանական արդյունաբերության հետ բանակցություններ սկսելն է՝ գնումների ժամկետները զգալիորեն կրճատելու նպատակով»,-ասել է նա Գերմանիայի արեւելքում՝ Ալտենգրաբոուում զորավարժությունների շրջանակում։
«Զինամթերքի համատեքստում դեռ քանակի հարց կա։ Սա եւս մեկ թեմա է, որը ես կբարձրացնեմ պաշտպանական արդյունաբերության հետ իմ բանակցություններում, հավանաբար արդեն հաջորդ շաբաթ»,-հավելել է նա։
