News
Լրահոս
News
Ուրբաթ
Ապրիլ 19
Տեսնել լրահոսը

Եգիպտոսի բարձրագույն կրոնական հաստատությունն աշխարհի մուսուլմաններին կոչ է արել բոյկոտել շվեդական եւ հոլանդական ապրանքները՝ երկու եվրոպական երկրներում ծայրահեղ աջ ակտիվիստների կողմից իսլամի սուրբ գիրքը պղծելու պատճառով, հայտնում է AP-ն։

Սուննի մահմեդական աշխարհի առաջատար կրոնական հաստատության՝ եգիպտական «Ալ-Ազհար» կազմակերպության կոչը վերջինն է մահմեդական աշխարհի բացասական արձագանքների շարքից Շվեդիայում եւ Նիդեռլանդներում տեղի ունեցած միջադեպերին:

Շաբաթ օրը դանիացի հակաիսլամիստ ակտիվիստ Ռասմուս Փալուդանը Ստոկհոլմում Թուրքիայի դեսպանատան մոտ այրել է Ղուրանը։ Կիրակի օրը ծայրահեղ աջ «Պեգիդա» շարժման հոլանդացի առաջնորդ Էդվին Վագենսվելդը Հաագայում Նիդեռլանդների խորհրդարանի մոտ պատռել է Ղուրանի էջերը եւ տրորել դրանք:

Եգիպտական «Ալ-Ազհար» թերթը պղծումն անվանել է «վիրավորանք» մուսուլմաններին եւ ասել, որ երկու երկրների բոյկոտը պատշաճ պատասխան կլինի այն կառավարություններին, որոնք պաշտպանում են «բարբարոսական հանցագործությունները անմարդկային եւ անբարոյական կարգախոսի ներքո, որոնք նրանք անվանում են խոսքի ազատություն»:

Երեքշաբթի օրը հարյուրավոր մարդիկ բողոքի ցույց են անցկացրել Պակիստանի արեւելյան Լահոր քաղաքում տեղի ունեցած պղծման դեմ։ Բողոքի ցույցեր են տեղի ունեցել նաեւ Թուրքիայի երկու խոշոր քաղաքներում՝ Ստամբուլում եւ Անկարայում։

Ստոկհոլմում տեղի ունեցած միջադեպից հետո Թուրքիայի նախագահ Ռեջեփ Թայիփ Էրդողանը Շվեդիային ասել է, որ ՆԱՏՕ-ին անդամակցելու իր շարունակական փորձերում ՆԱՏՕ-ի աջակցությունը չակնկալի:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արգենտինան ձգտում է ՆԱՏՕ-ի լիակատար գործընկերոջ կարգավիճակ ստանալ
Հանդիպել եմ ՆԱՏՕ-ի գլխավոր քարտուղարի տեղակալի հետ...
Զախարովան Կանադայի միանալու մասին. ԱՄՆ-ը ցանկանում է ՆԱՏՕ-ի ուժերը տարածաշրջան ներքաշել ԵՄ առաքելության միջոցով
Ինչպես հասկանում ենք, Օտտավայի՝ ԵՄ առաքելությանը միանալու հարցն արդեն անցել է գործնական հարթություն
Զելենսկու նախաձեռնությամբ Ուկրաինա-ՆԱՏՕ խորհրդի նիստ տեղի կունենա
ՆԱՏՕ-ն ունի բավականին մեծ թվով հասանելի համակարգեր…
Թրամփը կարող է դիտարկել ՆԱՏՕ-ի երկրները երկու կատեգորիաների բաժանելու հարցը. CNN
Այն երկրները, որոնք չեն հասնում պաշտպանության համար նախատեսված ՀՆԱ-ի 2%-ին...
Ֆինլանդիան տեղեկացրել է, որ դիտարկում է ՆԱՏՕ զորքերի մշտական ներկայության հնարավորությունը
Ֆինլանդիան դիտարկում է ՆԱՏՕ զորքերի մշտական ներկայության հարցը...
Ֆինլանդիայում կստեղծվի ՆԱՏՕ ցամաքային զորքերի շտաբ ՌԴ սահմանից 140 կիլոմետր հեռու
ՆԱՏՕ ցամաքային զորքերի շտաբ Ռուսաստանի հետ սահմանի մոտ...
Ամենաշատ