Audi-ն ամբողջությամբ գաղտնազերծել է Acrivesphere քրոսովեր-պիկապի կոնցեպտը։ Մեքենան չորրորդն է շարքում, որը ընկերությունը թողարկում է 2021 թվականից։
Ինչպես ծրագրել են մշակողները, Activesphere-ը համատեղում է սպորտային մեքենայի, քրոսովերի եւ պիկապ բեռնատարի հատկությունները: Մասնավորապես, Activesphere-ի հետնամասը կոճակի սեղմումով կարող է վերածվել բաց բեռների հարթակի՝ հեծանիվների կամ սպորտային սարքավորումների տեղափոխման համար։
Մեքենայի երկարությունը մոտ է 5 մետրին, լայնությունը՝ 2,07 մետր է, բարձրությունը՝ 1,6 մետր, երկար անիվային բազայով քրոսովերն ունի փոքր ելուստներ, ինչը տեսողականորեն ավելի կոմպակտ է դարձնում այն։ Մարմնի զգալի մասը զբաղեցնում են ապակե մակերեսները։ Վահանակը գտնվում է դիմապակու մոտ՝ դեպի վարորդը։ Փորձնական մեքենան համալրված է նաեւ նոր մակարդակի պրոյեկցիոն համակարգով, որն արձագանքում է վարորդի պահվածքին եւ առաջարկում նրան անհրաժեշտ ֆունկցիոնալությունը:
Մեքենան համալրված է առջեւի եւ հետեւի առանցքների էլեկտրական շարժիչներով, որոնք արտադրում են 442 ձիաուժ ընդհանուր հզորություն։ Քարշող մարտկոցի մեկ լիցքավորման էներգիայի պաշարը գերազանցում է 600 կիլոմետրը։
